گوجر خان میں بس اور ٹرک کی ٹکر، 8 مسافر جاں بحق

فہد شبیر اتوار 4 مارچ 2018 23:30

راولپنڈی(اُردو پوائنٹ اخبار تازہ ترین۔4مارچ۔2018ء) گوجر خان کے علاقے میں جی ٹی روڈ پر ٹریفک حادثہ، بس ٹرک سے ٹکرا گئی، آٹھ افراد جاں بحق، چوبیس شدید زخمی ہسپتال منتقل کر دیے گئے۔ابتدائی اطلاعات کے مطابق یہ حادثہ گوجر خان کے علاقے میں مین جی ٹی روڑ پر بھائی خان پل کے قریب بس اور ٹرک میں تصادم کی وجہ سے پیش آیا۔ ٹریفک حادثے میں پانچ افراد موقع پر جاں بحق جبکہ تین ہسپتال میں دم توڑ گئے۔

(جاری ہے)

ریسکیو ذرائع کے مطابق جی ٹی روڈ پر بائی خان پل کے قریب ٹرک کو اوورٹیک کرتے ہوئے مسافربس حادثے کا شکار ہو گئی حادثہ کی اطلاع ملتے ہی امدادی ٹیمیں موقع پر پہنچیں اور ایمبیولینسوں کے ذریعے حادثے میں زخمی ہونے والے مسافروں کو ہسپتال منتقل کیا گیا جہاں انھیں طبی امداد دی جا رہی ہے۔ڈی ایچ کیو ہسپتال ذرائع کے مطابق بس حادثے میں زخمی ہونے والے مسافروں میں دو خواتین اور تین بچوں سمیت 6 افراد کی حالت تشویشناک ہے۔

Facebook Twitter Google + Share on Whatsapp

گوجر خان میں بس اور ٹرک کی ٹکر، 8 مسافر جاں بحق

متعلقہ عنوان :

مزید قومی خبریں