آسٹریا میں ایرانی سفیر کے گھر پر حملے کی کوشش ناکام بنا دی گئی

گھر کے باہر تعینات سکیورٹی اہلکار پر چاقو بردار شخص نے حملہ کیا ، پہلے مرچوں والا سپرے کیا گیا ، ناکامی پر گولی مار دی گئی ، موقع پر ہلاک ہوگیا

پیر 12 مارچ 2018 22:36

آسٹریا میں ایرانی سفیر کے گھر پر حملے کی کوشش ناکام بنا دی گئی
ویانا(اُردو پوائنٹ اخبارتازہ ترین - آن لائن۔ 12 مارچ2018ء) آسٹریا میں سیکیورٹی اہلکاروں نے ایرانی سفیر کے گھر پر حملے کی کوشش ناکام بنادی ہے۔غیر ملکی خبر ایجنسی کے مطابق آسٹریا کے دارالحکومت ویانا میں ایرانی سفیر کی رہائش گاہ کے باہر تعینات سیکیورٹی اہلکار پر چاقو بردار شخص نے حملہ کردیا۔ سیکیورٹی اہلکار نے پہلے مرچوں والے اسپرے کا استعمال کیا لیکن حملہ آور پر قابو پانے میں ناکامی پر اہلکار نے گولی چلادی جس کے نتیجے میں حملہ آور موقع پر ہی ہلاک ہوگیا۔

(جاری ہے)

مقامی حکام کا کہنا ہے کہ حملہ آور سفیر کے گھر کے باہر تعینات اہلکار کو قتل کرنے کے بعد اندر گھسنا چاہتا تھا تاہم یہ کوشش ناکام بنادی گئی ہے۔ چاقو کے حملے میں سیکیورٹی اہلکار معمولی زخمی ہوا ہے جسے طبی امداد دی جارہی ہے۔ حملہ آور کی عمر 26 سال اور وہ آسڑیا ہی کا رہائشی ہے۔ واقعے کے بعد دیگر ممالک کے سفرا اور سفارت خانوں کی سیکیورٹی بڑھا دی گئی ہے۔ویانا پولیس کا کہنا تھا کہ ایرانی سفارت کار کو دھمکیاں موصول ہو رہی تھیں جس کے بعد ان کی رہائش گاہ پر سیکیورٹی بڑھا دی گئی تھی جس کے باعث بڑے نقصان سے بچ گئے ہیں، ملزم کی سی سی ٹی وی فوٹیجز حاصل کرلی ہیں جس کی مدد سے منصوبہ سازوں تک پہنچنے میں مدد ملے گی۔۔

متعلقہ عنوان :