وزیراعظم شاہد خاقان عباسی سے پاک فضائیہ کے سبکدوش ہونے والے سربراہ ایئر چیف مارشل سہیل امان کی الودعی ملاقات

منگل 13 مارچ 2018 19:14

اسلام آباد ۔ (اُردو پوائنٹ اخبارتازہ ترین - اے پی پی۔ 13 مارچ2018ء) وزیراعظم شاہد خاقان عباسی نے پاک فضائیہ کے سبکدوش ہونے والے سربراہ ایئر چیف مارشل سہیل امان کی ملک کے دفاع کیلئے شاندار خدمات کو سراہا ہے۔ وزیراعظم نے ایئر چیف کی آئندہ زندگی اور کاوشوں کیلئے نیک تمنائوں کا اظہار کیا۔

(جاری ہے)

سبکدوش ہونے والے پاک فضائیہ کے سربراہ نے منگل کو وزیراعظم آفس میں الوداعی ملاقات کی۔ بعد ازاں وزیراعظم نے ان کے اعزاز میں ظہرانہ بھی دیا جس میں سپیکر قومی اسمبلی سردار ایاز صادق، وزیر داخلہ احسن اقبال، چیئرمین جوائنٹ چیفس آف سٹاف کمیٹی جنرل زبیر محمود حیات، قومی سلامتی مشیر لیفٹیننٹ جنرل (ر) ناصر خان جنجوعہ اور سینئر حکام نے شرکت کی۔