داعش رابطوں کیلئے ٹیلی گرام، واٹس ایپ استعمال کرتی ہے ،ْ گرفتار دہشتگرد کا انکشاف

داعش کے چیٹنگ گروپ کا نام کدو ہے ،ْ جس کا ایڈمن بابا جانی نامی دہشت گرد ہے ،ْ دہشتگرد کا بیان

بدھ 14 مارچ 2018 14:02

داعش رابطوں کیلئے ٹیلی گرام، واٹس ایپ استعمال کرتی ہے ،ْ گرفتار دہشتگرد ..
کراچی (اُردو پوائنٹ اخبارتازہ ترین - این این آئی۔ 14 مارچ2018ء) کراچی میں فیڈرل انویسٹی گیشن ایجنسی (ایف آئی ای) کے ہاتھوں کچھ عرصہ قبل گرفتار ہونے والے داعش کے مبینہ دہشت گرد شیخ محمد عمران عرف سیف الاسلام خلافتی نے انکشاف کیا ہے کہ دنیا بھر سے رابطوں کیلئے داعش واٹس ایپ گروپ استعمال کرتی ہے ،ْ ٹیلی گرام پر آڈیو پیغامات کے تبادلے کیے جاتے ہیں۔

کراچی میں ایف آئی اے کے ہاتھوں گرفتار مبینہ دہشت گرد عمران عرف سیف الاسلام خلافتی نے حکام کو بتایا کہ داعش نے ٹیلی گرام پر اپنا گروپ بنا رکھا ہے، جس میں آڈیو پیغامات کے ذریعے رابطے ہوتے ہیں۔عمران نے بتایا کہ داعش کے دنیا بھر میں رابطوں کے لیے بھی واٹس ایپ گروپ استعمال کیا جاتا ہے۔گرفتار دہشت گرد کے مطابق داعش کے چیٹنگ گروپ کا نام کدو ہے ،ْ جس کا ایڈمن بابا جانی نامی دہشت گرد ہے۔

(جاری ہے)

حکام کے مطابق عمران عرف سیف الاسلام خلافتی داعش کے دہشت گرد نسیم شاہ سے بھی رابطے میں تھا، نسیم شاہ نے ہی لیاقت یونیورسٹی آف میڈیکل اینڈ ہیلتھ سائنسز، جامشورو کی طالبہ نورین لغاری کی برین واشنگ کی، جو لاہور میں ہونے والے ایک کارروائی میں مارا جاچکا ہے۔حکام کے مطابق سیف الاسلام خلافتی کو بلیک نیٹ، پراکسی اور وی پی این کی تربیت دی گئی تھی ،ْاس کا ایک اور ساتھی محمد مہدی الہدیٰ ملتان میں پکڑا جاچکا ہے تاہم اس کے خلاف شواہد اکھٹے نہ کیے جاسکے اور وہ چھوٹ گیا تھا۔

متعلقہ عنوان :