مقبوضہ کشمیر، سید علی گیلانی نے بھارت کی طرف سے بات چیت کی پیشکش مستر د کر دی
جب تک بھارت جموںوکشمیر کی متنازعہ حیثیت تسلیم کر کے فوجی انخلا شروع نہیں کرتا ، اس وقت تک مذاکرات بے معنی ہونگے، حریت رہنماء تباہ شدہ مکانات کے ملبے سے ایک اور لاش برآمد، مظاہرین پر طاقت کا وحشیانہ استعمال
ہفتہ 17 مارچ 2018 18:36
(جاری ہے)
انہوں نے کہا کہ بھارتی قیادت کی یہ ذمہ داری ہے کہ وہ پاکستان سمیت تنازعہ کشمیر کے تمام فریقوں کے درمیان بات چیت کیلئے ماحول کو سازگار بنائے ۔
دریں اثنا بھارتی فوجیوں کی طر ف سے سرینگر کے علاقے بالہامہ کھنموہ میں تباہ کیے جانے والے چار رہائشی مکانات کے ملبے سے ایک اور نوجوان کی لاش برآمد ہوئی ہے ۔دونوجوانوںراسخ نبی بٹ اور شبیر احمد کی لاشیں گزشتہ روز ملبے سے برآمد ہوئی تھیں۔ راسخ نبی بٹ اور شبیر احمد کے آبائی علاقوںترال اور اونتی پورہ میں انکی شہادت پر آج مسلسل دوسرے روز بھی مکمل ہڑتال کی گئی۔دختران ملت کا ایک وفد شہید شبیر احمد کے اہلخانہ سے اظہار یکجہتی کے لیے اونتی پورہ گیا۔ نوجوانوں کے قتل کیخلاف آج بالہامہ میں زبردست مظاہرے کئے گئے۔ بھارتی پولیس نے مظاہرین کو منتشر کرنے کیلئے طاقت کا وحشیانہ استعمال کیا جس کے نتیجے میں متعدد افراد زخمی ہو گئے۔ ادھر میر واعظ عمر فاروق کی سربراہی میں قائم حریت فورم ، دختران ملت اور ضلع بڈگام کی سول سوسائٹی کے ارکان نے اپنے بیانات میں بھارتی تحقیقاتی ادارے این آئی اے کی طرف سے ممتاز آزادی پسند رہنما سید صلاح الدین کے بیٹوں کو ہراساں کرنے کی شدید مذمت کی۔ جنیوا میں اقوام متحدہ کی انسانی حقوق کونسل کے 37ویں اجلاس میں انسانی حقوق کارکن احمد قریشی نے ورلڈ مسلم کانگریس کی نمائندگی کرتے ہوئے کہاکہ مقبوضہ کشمیر میں شہریوں کے حقوق کے حوالے سے بھارت کا ریکارڈ پریشان کن ہے۔ انہوں نے معروف انسانی حقوق کارکن خرم پرویز کا حوالہ دیتے ہوئے کہاکہ خرم کو 2016میں انسانی حقوق کونسل کے اجلاس میں شرکت سے روکنے کے لیے نئی دہلی کے ہوائی اڈے پر طیارے پر سوارہونے سے روکا گیا تھا۔ اجلاس کے موقع پر منعقدہ کانفرنس سے خطاب کرتے ہوئے مقررین نے کہاکہ بھارت مقبوضہ کشمیر میں بے نقاب ہوچکا ہے کیونکہ اس کے فوجی قتل عام ، ماورائے عدالت قتل، گرفتاریوں ، تشدد، طاقت کے وحشیانہ استعمال اور احتجاجی مظاہرین پر پیلٹ گن جیسے مہلک ہتھیاروں کے استعمال، خواتین کی بے حرمتی اور املاک کی تباہی سمیت انسانی حقوق کی سنگین خلاف ورزیوں میں ملوث ہیں۔ کانفرنس سے بیرسٹر عبدالمجید ترمبو، پروفیسر نذیر احمد شال، ایڈووکیٹ ایوب احمد راٹھور، شمیم شال، پروفیسر Alfred De Zayas،محمد علیArkoukou، Dr Jean Ziegler،ڈاکٹر اقتدار چیمہ اور سفارتکار رونالڈ برنی نے خطاب کیا۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.