ٹیکنالوجی کمپنی آئی بی ایم نمک کے ذرے سے بھی چھوٹا کمپیوٹرمتعارف کرائے گی

پیر 19 مارچ 2018 20:14

نیویارک (اُردو پوائنٹ اخبارتازہ ترین - این این آئی۔ 19 مارچ2018ء) ٹیکنالوجی کمپنی آئی بی ایم نمک کے ذرے سے بھی چھوٹا کمپیوٹرمتعارف کرائے گی ۔میش ایبل کی رپورٹ کے مطابق یہ مختصر ترین فون 19 مارچ کو آئی بی ایم تھنک 2018 کے نام سے منعقدہ کمپنی کی فلیگ شپ کانفرنس کے پہلے روز متعارف کروایا جائیگا۔

(جاری ہے)

آئی بی ایم کے مطابق یہ تو محض آغاز ہے، اگلے 5 برسوں میں کریپٹو گرافک اینکرز، جیسے کہ انک ڈوٹس اور نمک کے ذرے سے بھی چھوٹے کمپیوٹرز روزمرہ استعمال ہونے والی اشیاء اور ڈیوائسز میں نصب کیے جائیں گے۔

ابھی تک یہ واضح نہیں ہے کہ یہ کمپیوٹر کب ریلیز کیا جائے گا، تاہم آئی بی ایم کے ماہرین اس کے پہلے پروٹو ٹائپ کی آزمائش میں مصروف ہیں لیکن ایک چیز تو واضح ہے کہ یہ کمپیوٹر اتنا چھوٹا ہوگا کہ اسے دیکھنے کیلئے آپ کو مائیکرو اسکوپ کی ضرورت پڑے گی۔