جو شخص آئین توڑ نے کی بات کرے کیا وہ پاکستانی ہے کیپٹن صفدر کا شیخ رشید کے بیان پررد عمل

ْشیخ رشید کے بیان پر سپریم کورٹ میں از خود نوٹس لینے کی درخواست کرینگے ،ْ میڈیاسے بات چیت

جمعرات 22 مارچ 2018 13:33

جو شخص آئین توڑ نے کی بات کرے کیا وہ پاکستانی ہے کیپٹن صفدر کا شیخ ..

اسلام آباد (اُردو پوائنٹ اخبارتازہ ترین - این این آئی۔ 22 مارچ2018ء) رکن قومی اسمبلی کیپٹن ریٹائرڈمحمد صفدر نے شیخ رشید کے بیان پر سخت رد عمل کا ا ظہار کرتے ہوئے کہاہے کہ جو شخص آئین توڑ نے کی بات کرے کیا وہ پاکستانی ہے شیخ رشید کے بیان پر سپریم کورٹ میں از خود نوٹس لینے کی درخواست کرینگے ۔

(جاری ہے)

جمعرات کو احتساب عدالت اسلام آباد میں ایون فیلڈ ریفرنس کی سماعت کے موقع پر احتساب عدالت کے باہر کیپٹن (ر) صفدر نے میڈیا سے گفتگو کرتے ہوئے کہا کہ شیخ رشید نے آئین توڑ کر جوڈیشل مارشل لاء لگانے کا مشورہ دیا اور جو شخص آئین توڑنے کی بات کرے کیا وہ پاکستانی ہے۔

انہوں نے کہا کہ ان کے بیان پر سپریم کورٹ سے ازخود نوٹس لینے کی درخواست کریں گے۔عدالت سے اپیل کرتے ہیں کہ شیخ رشید کے بیان پر ازخود نوٹس لیا جائے کہ شیخ رشید نے کس کے کہنے پر آئین توڑنے کی باتیں کی ہیں۔انہوںنے کہاکہ شیخ رشید مشرف کی آغوش میں پلے ہیں اس لئے وہ آئین اور جمہوریت شکن بن چکے ہیں ۔