کام کرنے والوں کو عدالت میں گھسیٹنا روایت بن گئی ہے‘ جس ملک میں سیاستدان کی عزت نہیں ہوگی وہ ترقی نہیں کرسکتا۔شاہدخاقان عباسی
میاں محمد ندیم ہفتہ 31 مارچ 2018 17:35
(جاری ہے)
شاہد خاقان عباسی نے کہا کہ ہم نے ہمیشہ عدلیہ کی عزت کی ہے، سیاست کے فیصلے پولنگ اسٹیشنوں میں ہوتے ہیں ،عدالتیں میں نہیں، اس لئے سیاست کے فیصلے عوام پر چھوڑ دیں کیونکہ عوام کے فیصلے درست ہوتے ہیں، عدالت کے فیصلوں پر اپیل ہوتی ہے، 2008 میں عوام نے فیصلہ کیا اور آصف زرداری نے جو کیا وہ عوام کے سامنے ہے،اسی لیے 2013 میں عوام نے انہیں مسترد کردیا۔
انہوں نے مزید کہا کہ ہم نے کبھی کسی کے بارے میں برے الفاظ استعمال نہیں کئے، گالیاں دینے والے گالیاں دینا جانتے ہیں ان سے خیر کی توقع نہ رکھیں، عوام اس کا جواب پولنگ اسٹیشن پردیں گے۔وزیر اعظم نے کہا کہ لوگ کہتے ہیں کہ مجھے چیئرمین سینیٹ کے انتخاب کے معاملے پرمداخلت نہیں کرنی چاہیے، چیئرمین سینیٹ بیان دیں کہ کسی سینیٹر کو نہیں خریدا، کیا ہمارے سینیٹرز وہ لوگ ہونے چاہییں جوپیسے دے کر سینیٹ میں آئیں، جس ایوان کی بنیاد کرپشن پرہو،کیا وہ ایوان پاکستان کے مفاد کے لئے کام کرسکتا ہے۔انہوں نے کہا کہ میں آخری دم تک مداخلت کرتارہوں گا کیونکہ اس برائی کا خاتمہ جہاد سمجھتا ہوں، ہمیں اس برائی کا ووٹ کے ذریعے مقابلہ کرنا ہے، ہم اس دو نمبر سیاست کے خلاف جنگ کرنا چاہتے ہیں، آج اس برائی کا خاتمہ نہیں کیا تو یہ جڑیں کھوکھلا کردیں گی۔انہوں نے کہا کہ عوام کا فیصلہ ہمیشہ سر آنکھوں پر ہوتا ہے، اسی لیے عوام کے فیصلے عوام پر چھوڑ دیے جائیں، عدالت کے بہت سارے فیصلے تاریخ بھی قبول نہیں کرتی۔عجیب روایت بن چکی ہے کہ جو بھی منتخب نمائندہ پاکستان کے لیے کام کرے اس عدالت میں گھنسیٹا جاتا ہے، عہدوں سے برطرف کیا جاتا ہے اور عوام سے ہی دور کر دیا جاتا ہے‘یہ روایت پاکستان کی نہیں ہے اور نہ ہی یہ ملک میں سیاست کو عزت دے گی۔وزیراعظم نے کہا کہ اس روایت سے پاکستان کے مسائل حل نہیں ہوں گے، لہٰذا اب اس روایت کو ختم ہونا چاہیے۔ سیاست کے فیصلے عدالتوں میں نہیں بلکہ پولنگ اسٹیشنوں میں ہونے چاہیئں’عوام اپنا فیصلہ الیکشن 2018 میں سنائیں گے، اور عوام کا فیصلہ کبھی غلط نہیں ہوتا۔وزیراعظم شاہد خاقان عباسی نے کہا کہ جب تک پاکستان میں سیاسی استحکام نہیں ہوگا، تب تک ملک ترقی نہیں کرے گا۔انہوں نے کہا کہ پاکستان مسلم لیگ (ن) کو اپنے دورِ حکومت کے دوران کام نہیں کرنے دیا گیا۔شاہد خاقان عباسی نے کہاکہ ہم نے ہمیشہ شرافت کی سیاست کو ترجیح دی اور کبھی بھی کسی کے لیے برے الفاظ استعمال نہیں کیے، گالیاں دینے والوں سے خیر کی توقع نہ رکھی جائے‘ 2013 میں بھی عوام نے نوازشریف کے حق میں فیصلہ کیا تھا۔مزید اہم خبریں
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
بھائی کے ہاتھوں قتل ہونے والی ماریہ کی ابتدائی میڈیکل رپورٹ منظر عام پر آگئی
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.