امتحانی مراکز میں سٹاف کی کوتاہی ہر گز برداشت نہیں کی جائے گی،اے سی کوہاٹ

ہفتہ 31 مارچ 2018 17:55

پشاور(اُردو پوائنٹ اخبارتازہ ترین - این این آئی۔ 31 مارچ2018ء) ا یڈیشنل اسسٹنٹ کمشنر کوہاٹ صاحبزادہ سمیع الله نے کہا ہے کہ امتحانی مراکز میں سٹاف کی کوتاہی ہر گز برداشت نہیں کی جائے گی اور کوتاہی کرنے والوں کے خلاف قانون کے مطابق سخت کاروائی کی جائے گی یہ با ت انہوں نے محکمہ ایلیمنٹری ایجوکیشن اور ڈپٹی کمشنر کوہاٹ خالد الیاس کی ہدایت پر گورنمنٹ ہائی سکول گمبٹ کے امتحانی ہال پر چھاپے کے دوران عملے کے ساتھ بات چیت کرتے ہوئے کہی ۔

(جاری ہے)

انہوں نے کہا کہ چھاپوں کا یہ سلسلہ جاری رہے گا اور کسی کوبھی نقل کرنے کی ہر گز اجازت نہیں دی جائے گی تاکہ ذہین طلباء کی حوصلہ شکنی نہ ہو۔انہوں نے کہا کہ نقل نے نوجوانوں کی تخلیقی صلاحیتوں کو مفلوج کرکے رکھ دیا ہے نقل کا خاتمہ اس وقت ممکن ہوگا جب اساتذہ اس کو جہاد سمجھ کر ہمارا ساتھ دیں انہوں نے مذید کہا کہ امتحانات میں نقل کو ترویج دینے والے بلا امتیاز قومی مجرم ہیں اور اس کے خلاف قانونی کاروائی ہوگی۔

Facebook Twitter Google + Share on Whatsapp

امتحانی مراکز میں سٹاف کی کوتاہی ہر گز برداشت نہیں کی جائے گی،اے سی کوہاٹ

مزید تعلیم کی خبریں