روس میں ہونے والے آتشزدگی کے واقعے کے بعد علاقائی گورنر نے استعفیٰ دے دیا

اتوار 1 اپریل 2018 20:20

ماسکو ۔ یکم اپریل(اُردو پوائنٹ اخبارتازہ ترین - اے پی پی۔ 01 اپریل2018ء) روس میں ہونے والے آتشزدگی کے واقعے کے بعد علاقائی گورنر نے استعفیٰ دے دیا۔

(جاری ہے)

مقامی ذرائع ابلاغ کے مطابق روسی شہر کیموروو میں خریداری کے ایک مرکز میں آتشزدگی کے بعد علاقائی گورنر مستعفی ہو گئے ہیں۔ گورنر آمان تولیجیو نے بتایا کہ وہ اتنے بھاری بوجھ کے ساتھ اپنی ذمہ داریاں ادا نہیں کر سکتے۔ گورنر نے مزید کہا کہ ان کا مستعفی ہونا ہی واحد درست فیصلہ ہے۔ خیال رہے کہ گزشتہ اتوار کو شاپنگ مال میں لگنے والی آگ کی زد میں آکر 64 افراد ہلاک ہوئے تھے جن میں 41 بچے تھے۔