یورپ آنے والے مسلم تارکین وطن کو حملہ آور سمجھتا ہوں، ہنگری وزیراعظم

یقین ہے بڑی تعداد میں مسلمان مہاجر ہمیں متوازی معاشروں کی طرف لے کر جائیں گے،جرمن اخبار کو انٹرویو

جمعرات 12 اپریل 2018 17:36

بڈاپسٹ (اُردو پوائنٹ اخبارتازہ ترین - آن لائن۔ 12 اپریل2018ء) تیسری مرتبہ ہنگری کے وزیراعظم منتخب ہونے والے وکٹور اوربان نے کہا ہے کہ وہ یورپ آنے والے مسلم تارکین وطن کو مسلمان حملہ آور سمجھتے ہیں۔

(جاری ہے)

جرمن اخبار کو انٹرویو میں انہوں نے کہا کہ مجھے یقین ہے بڑی تعداد میں یورپ آئے یہ مسلمان مہاجر ہمیں متوازی معاشروں کی طرف لے کر جائیں گے کیوں کہ مسیحی اور مسلم سماج کبھی یکجا نہیں ہوسکتے۔ اوربان کا کہنا تھا کہ متنوع ثقافت محض ایک مفروضہ ہے اور درحقیقت مہاجرین کے روپ میں مسلمان حملہ آورر یورپ آ رہے ہیں۔ وکٹور اوربان یورپی ممالک میں مہاجرین کی آمد کے خلاف اٹھنے والی نمائندہ آواز رہے ہیں۔ وہ تارکین وطن کو زہر اور ہجرت کو حملہ قرار دیتے ہیں