وزیر اعظم شاہد خاقان عباسی دولت مشترکہ کے سربراہی اجلاس میں شرکت کے لیے لندن پہنچ گئے

Mian Nadeem میاں محمد ندیم بدھ اپریل 13:28

وزیر اعظم شاہد خاقان عباسی دولت مشترکہ کے سربراہی اجلاس میں شرکت کے ..
لندن (اردوپوائنٹ اخبارتازہ ترین-انٹرنیشنل پریس ایجنسی۔18 اپریل۔2018ء) وزیر اعظم شاہد خاقان عباسی لندن پہنچ گئے۔ وہ دولت مشترکہ سربراہی اجلاس میں پاکستان کی نمائندگی کریں گے۔تفصیلات کے مطابق وزیر اعظم شاہد خاقان عباسی لندن پہنچ گئے۔ برطانوی اعلیٰ حکام اور پاکستانی ہائی کمشنر نے وزیر اعظم کا استقبال کیا۔وزیر اعظم شاہد خاقان دولت مشترکہ سربراہی اجلاس میں پاکستان کی نمائندگی کریں گے۔

(جاری ہے)

اجلاس کے دوران وزیر اعظم برطانوی ملکہ الزبتھ، پرنس آف ویلز شہزادہ چارلس اور برطانوی وزیر اعظم تھریسا مے سے ملاقات کریں گے۔دورے کے دوران وزیر اعظم دولت مشترکہ کے ایگزیکٹو اور رپٹریٹ اجلاسوں میں شریک ہوں گے۔خیال رہے کہ دولت مشترکہ سربراہی اجلاس 18 سے 20 اپریل تک لندن میں ہورہا ہے۔ رواں سال دولت مشترکہ سربراہی اجلاس کا موضوع ”مشترکہ مستقبل‘ ‘ہے۔اجلاس میں شرکت پاکستان میں دستیاب مواقع اجاگر کرنے میں مدد دے گی جبکہ پاکستان کو بطور ابھرتی منڈی سامنے لانے میں بھی معاون ثابت ہوگی۔ سربراہی اجلاس دولت مشترکہ سربراہان کو باہمی تعاون کا موقع فراہم کرے گا۔

متعلقہ عنوان :