منہاج یونیورسٹی لاہور کے زیر اہتمام پری بجٹ سیمینار (آج )ہو گا

بدھ 18 اپریل 2018 16:20

لاہور(اُردو پوائنٹ اخبارتازہ ترین - این این آئی۔ 18 اپریل2018ء) منہاج یونیورسٹی لاہور کے زیر اہتمام آج برو ز( جمعرات ) کو پری بجٹ سیمینار منعقد ہو گا، صدارت منہاج القرآن انٹرنیشنل کے صدر اور ایم یو ایل کے وائس چیئرمین ڈاکٹر حسین محی الدین کرینگے،بجٹ سیمینار میں سینیٹر چودھری سرور، میاں عمران مسعود، ضیاء المصطفیٰ، آصف عقیل، مرزا اختیار بیگ، ڈاکٹر وقار مسعود خان، ڈاکٹر ندیم الحق، میاں منظور احمد وٹو اظہار خیال کرینگے، پری بجٹ سیمینار میں تعلیمی شعبہ کو درپیش مسائل کے حوالے سے تجاویز دی جائینگی اور مقررین بجٹ کے حوالے سے اپنی آراء سے آگاہ کریں گے اور معاشی شعبے میں درپیش مسائل بارے گفتگو کرینگے، سیمینار کا آغاز دن 11 بجے ہو گا،افتتاحی خطاب ڈاکٹر حسین محی الدین کرینگے، سیمینار ایم یو ایل مارکی ابن خلدون بلاک میں منعقد ہورہا ہے۔