پنجاب بھرمیں862ٹریفک حادثات میں06ا فراد جاںبحق1018زخمی

بدھ اپریل 16:20

لاہور(اُردو پوائنٹ اخبارتازہ ترین۔ 18 اپریل2018ء) گزشتہ 24گھنٹوں کے دوران پنجاب کی862مختلف مقامات پرروڈ ٹریفک حادثات رونما ہوئے جن میں06افرادجاں بحق جبکہ 1018افراد شدید زخمی ہوگئے جنہیں فوری طور پر نزدیکی ضلعی اور تحصیل کے ہسپتالوںمیں منتقل کیا گیا۔ ان حادثات میں400افراد معمولی زخمی ہوئے جنہیں ریسکیوٹیموں نے جائے حادثہ پر فوری ابتدائی طبی امداد فراہم کی۔

پنجاب کے مختلف اضلاع میں ہونے والے ان ٹریفک حادثات6افراد جان کی بازی ہارگئے جن کی نعشیں ضروری کارروائی کے بعد ورثاء کے حوالے کیں گئیں۔ ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 439ڈرائیوز،17کم عمرڈرائیورز452مسافراور127پیدل چلنے والے افراد متاثر ہوئے ۔

(جاری ہے)

اعدادو شمار سے ظاہر ہوتا ہے کہ198ٹریفک حادثات کی فون کالز لاہور کنٹر ول روم میںموصول ہوئیں، جن میں صوبائی درالحکومت214متاثرین کے ساتھ پہلے ،فیصل آباد98حادثات میں112متاثرین کے ساتھ دوسرے اورملتان 69حادثات میں93متاثرین کے ساتھ تیسرے نمبرپررہا۔

ان ٹریفک حادثات کے کل1018متاثرین میں814مرد اور204خواتین شامل ہیںجبکہ زخمی ہونیوالوںمیں143فراد کی اوسط عمر18سال سے کم اور559افراد کی اوسط عمر 18سے 40سال کے درمیان جبکہ316زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں657موٹر سائیکلز،138آٹو رکشے،73موٹر کاریں،14مسافربسیں،49وین،34ٹرک اور111دوسری اقسام کی گاڑیاں شامل ہیں۔

متعلقہ عنوان :