ْانگلینڈ کرکٹ بورڈ ،ْ سابق انگلش بیٹسمین ایڈ سمتھ کو نیا نیشنل سلیکٹر بنائے جانے کا امکان

اینڈی فلاور 2009ء سے 2014ء تک بطور کوچ انگلش ٹیم کے ساتھ کام کر چکے ہیں ،ْرپورٹ

جمعرات 19 اپریل 2018 13:16

لندن (اُردو پوائنٹ اخبارتازہ ترین - این این آئی۔ 19 اپریل2018ء) انگلینڈ اینڈ ویلز کرکٹ بورڈ کی جانب سے سے سابق انگلش بیٹسمین ایڈ سمتھ کو نیا نیشنل سلیکٹر بنائے جانے کا امکان ہے۔

(جاری ہے)

ای سی بی کی طرف سے جاری کردہ بیان کے مطابق نیشنل سلیکٹر کیلئے سمتھ، اینڈی فلاور سمیت مائیک سلوے اور ڈیرک پرینگل سے انٹرویوز لئے گئے، رواں ہفتے کے آخر میں باضابطہ طور پر نئے سلیکٹر کا اعلان کر دیا جائیگا، نیشنل سلیکٹر تقرری کے بعد نئے آزادانہ سلیکٹر کا چنائو کرے گا۔

واضح رہے کہ اینڈی فلاور 2009ء سے 2014ء تک بطور کوچ انگلش ٹیم کے ساتھ کام کر چکے ہیں۔یاد رہے کہ انگلش ٹیم کے سابق کوچ اینڈی فلاور بھی دوڑ میں شامل ہیں۔ سمتھ نے 2008ء میں انٹرنیشنل کرکٹ سے ریٹائرمنٹ کا اعلان کیا تھا اور وہ جیمز وائی ٹیکر کی جگہ انگلینڈ کے نئے سلیکٹر بننے کے مضبوط ترین امیدوار ہیں، وائی ٹیکر نے گزشتہ ماہ عہدے سے مستعفی ہونے کا اعلان کیا تھا۔