شہزادہ ہیری ایک ماہ بعد میگھن مارکل کے دلہا بنیں گے

جوڑے کے ناموں والے برتنوں کی مانگ میں اضافہ ہو گیا

جمعہ 20 اپریل 2018 11:58

شہزادہ ہیری ایک ماہ بعد میگھن مارکل کے دلہا بنیں گے

لندن (اُردو پوائنٹ اخبارتازہ ترین - این این آئی۔ 20 اپریل2018ء) برطانوی شہزادے ہیری اور امریکی اداکارہ میگھن مارکل کی شادی آج سے ٹھیک ایک ماہ بعد ہو گی، اس موقع پر جوڑے کے ناموں والے برتنوں کی مانگ میں اضافہ ہو گیا ادھر شادی کی تیاریاں بھی زور و شور سے جاری ہیں، برطانیہ کی ایک برتن بنانے والی کمپنی کو شہزادے ہیری اور ان کی ہونے والی اہلیہ میگھن کے ناموں والے برتن تیار کرنے کا آرڈر ملا ہے جسے پورا کرنے کے لئے دن رات کام جاری ہے۔

(جاری ہے)

ان پر شاہی جوڑے کے ناموں کے ساتھ شادی کی تاریخ 19 مئی بھی درج ہے، دوسری جانب شہزادہ ہیری اور میگھن کی شادی کی تیاریاں جاری ہیں۔ انہوں نے چھ سو مہمانوں کو مدعو کیا ہے جبکہ دنیا بھر میں کروڑوں لوگ تقریب کو براہ راست دیکھیں گے۔