قائد اعظم کرکٹ ٹرافی گریڈ ٹو کا سیمی فائنل مرحلہ کل شروع ہوگا

جمعہ 20 اپریل 2018 13:14

اسلام آباد ۔ (اُردو پوائنٹ اخبارتازہ ترین - اے پی پی۔ 20 اپریل2018ء) پاکستان کرکٹ بورڈ کے زیراہتمام جاری قائد اعظم ٹرافی گریڈ ٹو کے سیمی فائنل مقابلے کل ہفتہ سے شروع ہونگے۔ اس سلسلے میں پہلا سیمی فائنل میچ ملتان اور حیدرآباد کی ٹیموں کے درمیان ملتان سٹیڈیم میں کھیلا جائے گا۔ دوسرا سیمی فائنل میچ کراچی بلیو اور ایبٹ آباد کے درمیان کراچی سٹیڈیم میں شروع ہوگا۔

(جاری ہے)

فائنل میچ 8 مئی کو کھیلا جائے گا جس کیلئے جگہ کا اعلان جلد کیا جائیگا۔ چیئرمین پاکستان کرکٹ بورڈ کے مشیر شکیل شیخ نے کہا کہ ٹورنامنٹ میں دس ٹیمیں حصہ لے رہی ہیں جن میں کو دو گروپوں میں تقسیم کیا گیا، گروپ اے ملتان، ایبٹ آباد، آزاد جموں و کشمیر، کوئٹہ اور بہاولپور جبکہ کراچی بلیو، حیدرآباد، سیالکوٹ، لاڑکانہ اور ڈیرہ مراد جمالی شامل ہیں۔