ایم کیوایم کے منحرف رکن سندھ اسمبلی سیف الدین خالد نے ایوان کو یرغمال بنایا ہے، اسپیکر سندھ اسمبلی

جمعہ 20 اپریل 2018 23:04

کراچی (اُردو پوائنٹ اخبارتازہ ترین - این این آئی۔ 20 اپریل2018ء) اسپیکر سندھ اسمبلی آغا سراج نے کہا ہے کہ ایم کیوایم کے منحرف رکن سندھ اسمبلی سیف الدین خالد نے ایوان کو یرغمال بنایا ہے سیف الدین خالد نے ایوان کی بے حرمتی کی ہے انہیں ہاؤس سے فوری باہر نکلنا چاہئیے اسپیکر سندھ اسمبلی اجلاس کے بعد میڈیا سے غیر رسمی گفتگو کررہے تھے اسپیکر آغا سراج درانی کا کہنا تھا کہ اجلاس ملتوی ہونے کے بعد کوئی رکن ایوان میں نہیں بیٹھ سکتا انکا اس طرح ایوان میں دھرنا دینا خلاف قانون ہے جس پر انکے خلاف کارروائی ہوسکتی ہے انہوں نے کہا کہ انکی( سیف الدین خالد کی) کچھ لوگوں سے میرا رابطہ ہوا ہے ان سے کہا ہے کہ وہ اپنے ممبر کو آکر سنبھالیں اگر یہ انتہا پر گئے تو انکے خلاف الیکشن کمیشن میں ریفرنس بھیجوں گا اور سیف الدین خالد کے خلاف ایکشن ہوسکتا ہے اسپیکر سندھ اسمبلی کا کہنا تھا کہ گن پوائنٹ پر کسی کی بات نہیں سنوں گا ایوان کو قانون کے مطابق چلاؤنگا۔