سعودی عرب، عسیر میں قرآنی آیتوں والی چٹانیں دریافت

ہفتہ 21 اپریل 2018 10:10

ریاض ۔ (اُردو پوائنٹ اخبارتازہ ترین - اے پی پی۔ 21 اپریل2018ء) ایک سعودی شہری نے عسیر ریجن میں چٹانوں پر قرآنی آیات، مختلف قسم کی شکلوں اور نقوش دریافت کئے ہیں۔سعودی ذرائع ابلاغ کے مطابق مشاہدے سے اندازہ ہوتا ہے کہ یہ جگہ کافی پرانی ہے۔ مقامی شہریوں نے آثارقدیمہ کے محافظ اداروں سے مطالبہ کیا ہے کہ وہ مذکورہ چٹانوں اور پتھروں کو محفوظ کرنے کیلئے اقدامات کریں۔

(جاری ہے)

سعودی شہری حمد آل ملحان نے بتایا کہ اسے آل مہمل کی بستی میں اتفاقیہ طور پر ایک پتھر نظر آیا۔ یہ ایک چٹان کے برابر میں پڑا ہوا تھا۔ غور کرکے دیکھا تو اس پر قرآنی آیتیں تحریر تھیں، مختلف شکلیں بھی بنی ہوئی تھیں۔ پتھر تقریباً ڈھائی میٹر لمبا ہے، قرآنی آیتیں بغیر نقطوں کے تحریر ہیں۔ بسم اللہ سے شروعات کی گئی ہے۔ اس پر سورہ اخلاص اور سورہ الناس لکھی ہوئی ہے۔