پاکستان سمیت دنیا بھر میں عالمی یوم الارض آج بھر پور طریقے سے منایا جائیگا

ہفتہ 21 اپریل 2018 12:40

فیصل آباد۔21 اپریل(اُردو پوائنٹ اخبارتازہ ترین - اے پی پی۔ 21 اپریل2018ء) پاکستان سمیت دنیا بھر میں عالمی یوم الارض (ورلڈ ارتھ ڈی) آج 22اپریل بروز اتوار کو بھر پور طریقے سے منایا جائیگا جبکہ اس موقع پر مختلف سرکاری و غیر سرکاری تنظیموں اور محکمہ ماحولیات کے زیرا ہتمام خصوصی تقریبات کا انعقاد کیا جائیگا نیز گرین جنریشن کی جانب سے واک بھی منعقد کی جائیگی۔

مذکورہ دن منانے کا مقصد عوام الناس میں ماحول سے آگاہی اور ذمہ دار رویوں کا فروغ ہے۔ اس موقع پر ماحولیات کی حفاظت کے عزم کا بھی اظہار کیا جائیگا ۔

(جاری ہے)

محکمہ تحفظ ماحولیات کے ترجمان نے بتایا کہ گرین جنریشن کا آغاز گذشتہ سال کیا گیا جس کے تحت لوگوں کی مشترکہ محنت سے صحت ، تعلیم ، فضاء اور آبی ذرائع کے مسائل میں بہتری لائی جاتی ہے ۔ا نہوںنے عوام سے اپیل کی کہ ملکی و بین الاقوامی ماحولیاتی مسائل کے حل کیلئے عالمی یوم الارض پر ماحول کو صاف ستھرا اور فضاء کو صحت بخش و خوشگوار رکھنے کیلئے اپنا کردار ادا کریں۔

یاد رہے کہ ورلڈ ارتھ ڈے کے نام سے عالمی یوم الارض 22اپریل 1970ء سے ہر سال باقاعدگی کے ساتھ منایا جا تا ہے تاکہ عوام الناس میں زمین کے قدرتی ماحول کے بارے میں شعور بیدار کرنا ممکن ہو ۔