شہباز شریف کل کراچی پہنچیں گے ،ْ

مردان ہائوس میں شاہی سید سے ملاقات کرینگے شہبازشریف ایم کیوایم پاکستان بہادر آباد گروپ کے مرکز واقع بہادر آباد کادورہ کریں گے ،ْمتحدہ رہنمائوں سے ملاقات کرینگے

ہفتہ اپریل 15:18

شہباز شریف کل کراچی پہنچیں گے ،ْ
کراچی (اُردو پوائنٹ اخبارتازہ ترین۔ 21 اپریل2018ء) پاکستان مسلم لیگ (ن )کے صدر اور وزیراعلی پنجاب شہباز شریف کل اتوار کو کراچی پہنچیں گے ۔(ن )لیگ کے رہنماء کھیل داس کوہستانی کے مطابق وزیراعلی پنجاب شہباز شریف مردان ہائوس میں عوامی نیشنل پارٹی سندھ کے صدر شاہی سید سے ملاقات کریں گے ۔شہبازشریف ایم کیوایم پاکستان بہادر آباد گروپ کے مرکز واقع بہادر آباد کادورہ کریں گے اور متحدہ رہنمائوں سے ملاقات کریں گے ۔

شہباز شریف ان دونوں جماعتوں کے رہنمائوں سے ملاقاتوں میں سیاسی صورتحال اور انتخابات میں ممکنہ اتحاد سمیت دیگر امور پر بات چیت کریں گے ۔۔شہباز شریف کراچی کے علاقوں ٹینری روڈ بہار کالونی لیاری ،ْکے ایم سی گرائونڈ گلشن غازی بلدیہ اور الفتح گرائونڈ عابد آباد بلدیہ ٹائون کے دورے میں (ن )لیگ کے تحت عوامی اجتماعات سے خطاب کریں گے ۔

(جاری ہے)

وزیراعلی پنجاب گرین بس پروجیکٹ بورڈ آفس انٹر ایکسچینج کا دورہ بھی کریں گے ۔

وہاں (ن )لیگ کے کارکنان سے ملاقات اور خطاب بھی کریں گے ۔وزیراعلی پنجاب شہباز شریف گورنر ہائوس میں عشائیہ میں شرکت کریں گے۔۔کھیل داس کوہستانی کے مطابق ن لیگ کے مرکزی صدر شہباز شریف کا دورہ کراچی سیاسی لحاظ سے اہمیت کا حامل ہے ۔۔شہباز شریف جلد اندرون سندھ کا دورہ بھی کریں گے اور اہم سیاسی جماعتوں کی قیادت سے ملاقاتیں کریں گے ،ْانہوں نے بتایا کہ شہباز شریف کے دوروں کا مقصد ن لیگ کی آئندہ انتخابات کی تیاریوں کیلئے عوامی رابطہ مہم کا آغاز ہے۔