گوجرہ:8سالہ بچے سے زیادتی و قتل کے الزام میں نو عمر ملزم گرفتار ، رشتے میں کزن تھا

وزیراعلی پنجاب نے مقتول بچے کے لواحقین سے دلی ہمدردی اور اظہارِ کیا ،متاثرہ خاندان کو ہر صورت انصاف کی فراہمی کی یقین دہانی

ہفتہ 21 اپریل 2018 16:26

گوجرہ:8سالہ بچے سے زیادتی و قتل کے الزام میں نو عمر ملزم گرفتار ، رشتے ..

گوجرہ(اُردو پوائنٹ اخبارتازہ ترین - آن لائن۔ 21 اپریل2018ء) صوبہ پنجاب کے شہر گوجرہ کے نواحی گاں میں 8 سالہ بچے سے مبینہ زیادتی اور قتل کے الزام میں ایک نوعمر ملزم کو حراست میں لے لیا گیا۔پولیس کے مطابق بچے کی لاش گذشتہ روز کھیتوں سے ملی تھی، جسے پوسٹ مارٹم کے لیے اسپتال منتقل کردیا گیا۔ پولیس کے مطابق بچے سے زیادتی اور قتل کے الزام میں مقتول کے ایک 15 سالہ کزن کو حراست میں لیا گیا ہے، جس سے تفتیش کی جا رہی ہے۔

(جاری ہے)

دوسری جانب وزیراعلی پنجاب شہباز شریف نے بچے سے مبینہ زیادتی اور قتل کا نوٹس لے کر ڈی پی او ٹوبہ ٹیک سنگھ سے واقعے کی رپورٹ طلب کرلی۔شہباز شریف نے واقعے میں ملوث ملزمان کی فوری گرفتاری کا حکم دیتے ہوئے کہا کہ ملزمان کو قانون کی گرفت میں لاکر کارروائی عمل میں لائی جائے۔وزیراعلی پنجاب نے مقتول بچے کے لواحقین سے دلی ہمدردی اور اظہارِ تعزیت کرتے ہوئے کہا کہ متاثرہ خاندان کو ہر صورت انصاف کی فراہمی یقینی بنائی جائے۔۔