شاہ زیب آرائیں ایم ایس او میر پور خاص کے نئے ناظم منتخب

ہفتہ اپریل 17:55

میر پور خاص (اُردو پوائنٹ اخبارتازہ ترین۔ 21 اپریل2018ء) مسلم اسٹودنٹس آرگنائزیشن سندھ کے ناظم اطلاعات محمد عادل نے کہا ہے کہ ایم ایس او ضلع میر پور خاص سیشن 2018+19 کی نئی عاملہ کا انتخاب بروز ہفتہ سیٹیلائٹ ٹائون میں ناظم ایم ایس او صوبہ سندھ عنایت اللہ فاروقی اور مرکزی رکن شوریٰ ارشد رشیدی کی زیر صدارت میں کیا گیا ۔

(جاری ہے)

جس میں میر پور خاص کے ناظم شاہ زیب آرائیں ، معاون ناظم حافظ غفران ، ناظم عمومی محمد خضر ، ناظم اطلاعات ارشد علی رستمانی ، فنانس سیکریٹری ندیم فاروقی اور ناظم تربیتی امور نذیر علی کو منتخب کیا گیا ہے ۔

عاملہ تشکیل دئیے جانے کے بعد ناظم ایم ایس او صوبہ سندھ نے تمام منتخب ذمہ داران سے حلف لیا ۔ اس موقع پر ناظم سندھ عنایت اللہ فاروقی اور ایم ایس او کے مرکزی رکن شوریٰ حافظ ارشد رشیدی نے ذمہ داران و کارکنان سے گفتگو کرتے ہوئے کہا کہ ایم ایس او غلبہ اسلام و استحکام پاکستان کے لیے جدوجہد کر رہی ہے ، ہم اس مشن کی تکمیل کے لیے اپنا تن من قربان کردیں گے ۔

متعلقہ عنوان :