پاکستان مسلم لیگ(ن) کے صدر اور وزیراعلیٰ پنجاب محمد شہبازشریف کی زیر صدارت مسلم لیگ(ن) بلوچستان کا اجلاس

پاکستان مسلم لیگ ن کے مرکزی صدر کی جانب سے بلوچستان میں پارٹی کیلئے قائم مقام عہدیداران کی نامزدگی کا اعلان لیفٹیننٹ جنرل (ر) عبدالقادر بلوچ پاکستان مسلم لیگ( ن) بلوچستان کے قائم مقام صدر کے عہدے پر نامزد جمال شاہ کاکڑ اور میر افضل مندوخیل قائم مقام سینئر نائب صدور ،سیدال خان ناصر پارٹی کے قائم مقام جنرل سیکرٹری اوریونس خان بلوچ پارٹی کے قائم مقام ایڈیشنل جنرل سیکرٹری نامزد

ہفتہ اپریل 22:00

پاکستان مسلم لیگ(ن) کے صدر اور وزیراعلیٰ پنجاب محمد شہبازشریف کی زیر ..
الاہور(اُردو پوائنٹ اخبارتازہ ترین۔ 21 اپریل2018ء) پاکستان مسلم لیگ(ن) کے صدر اور وزیراعلیٰ پنجاب محمد شہبازشریف کی زیر صدارت مسلم لیگ(ن) بلوچستان کا اجلاس منعقدہو ا جس میںوفاقی وزراء احسن اقبال،، لیفٹیننٹ جنرل(ر) عبدالقادربلوچ ، سابق وزیراعلی نواب ثناء اللہ زہری،اراکین قومی اسمبلی زاہدحامد، حمزہ شہباز شریف ، سپیکر بلوچستان اسمبلی راحیلہ درانی، سینیٹر ڈاکٹر آصف کرمانی ، جمال شاہ کاکڑ، امیر افضل مندوخیل ، سیدال خان ناصر ، یونس بلوچ اور فرید افغان خان نے شرکت کی-اجلاس کے دوران پاکستان مسلم لیگ ن کے مرکزی صدر کی جانب سے بلوچستان میں پارٹی کیلئے قائم مقام عہدیداران کو نامزدکیا گیا- پاکستان مسلم لیگ (ن) کے صدر نے لیفٹیننٹ جنرل (ر) عبدالقادر بلوچ پاکستان مسلم لیگ( ن) بلوچستان کے قائم مقام صدر کے عہدے پر نامزدکیا جبکہ جمال شاہ کاکڑ اور میر افضل مندوخیل قائم مقام سینئر نائب صدور کے عہدوں پر نامزدکئی- اسی طرح سیدال خان ناصر پارٹی کے قائم مقام جنرل سیکرٹری اوریونس خان بلوچ پارٹی کے قائم مقام ایڈیشنل جنرل سیکرٹری جبکہ فرید افغان خان کو مسلم لیگ( ن) بلوچستان کے قائم مقام سیکرٹری اطلاعات کے عہدوں پر نامزدکیا گیا- اجلاس میں بیگم کلثوم نواز کی جلد صحت یابی کیلئے دعا بھی کی گئی-محمد شہباز شریف نے ثناء اللہ زہری کی پارٹی کیلئے خدمات اور قربانیوں کو خراج تحسین پیش کرتے ہوئے کہا کہ ثناء اللہ زہری پوری لگن اور جذبے کے ساتھ پارٹی کے ساتھ کھڑے رہے ہیں - وزیر اعلی نے اجلاس سے خطاب کرتے ہوئے کہا کہ ہم سب نے مل کر بلوچستان میں پاکستان مسلم لیگ (ن) کو مضبوط بنانا ہے -قائد محمد نواز شریف کی قیادت میں سب نے پارٹی کی مضبوطی کے لئے کام کرنا ہے اور میں بھی جلد کوئٹہ کا دورہ کروں گا-انہوں نے کہا کہ بلوچستان میں جو کچھ ہوا اس پر مورخ ضرور لکھے گا- عہدیداران مسلم لیگ (ن) بلوچستان نے اس موقع پر اظہار خیال کرتے ہوئے کہا کہ ہم قائد محمد نواز شریف اور پارٹی صدر محمد شہباز شریف کے اعتماد پر پورا اتریں گے --بلوچستان کے عوام آپ کی قدر کرتے ہیں -