پاکستان اتھلیٹکس فیڈریشن کا سائوتھ ایشین جونئیر اتھلیٹکس چیمپین شپ کیلئے 12 رکنی قومی ٹیم کے کھلاڑیوں کے ناموں کا اعلان

پاکستان اتھلیٹکس فیڈریشن نے چوہدری اقبال اختر کو ٹیم لیڈر جبکہ قاضی تنویر اور سمی رضوی کو کوچز مقرر کیا گیاہے‘ صدرفیڈریشن میجر جنرل(ر) اکرم ساہی

اتوار اپریل 11:20

اسلام آباد(اُردو پوائنٹ اخبارتازہ ترین۔ 22 اپریل2018ء) پاکستان اتھلیٹکس فیڈریشن کے صدر میجر جنرل(ر) اکرم ساہی نے سائوتھ ایشین جونئیر اتھلیٹکس چیمپین شپ کے لئے 12 رکنی قومی ٹیم کے کھلاڑیوں کے ناموں کا اعلان کردیا ہے، گذشتہ روز ٹیم کے کھلاڑیوں کے ناموں کا اعلان کرتے ہوئے بتایاکہ پاکستان اتھلیٹکس فیڈریشن نے چوہدری اقبال اختر کو ٹیم لیڈر جبکہ قاضی تنویر اور سمی رضوی کو کوچز مقرر کیا گیاہے۔

12 رکنی قومی ٹیم آٹھ مردوں اور چار خواتین کھلاڑی پر مشتمل ہوگی، مرد کھلاڑیوں میں محمد وسیم، محمد حمزہ، حسن رضا، محمد شہزاد، وقار یونس،، معید بلوچ ، عبدالرزاق اور غلام محی الدین جبکہ خواتین کھلاڑیوں میں تحریم، عیشا، ثائقہ اور نورالعین شامل ہیں، انہوں نیکہا کہ چیمپیئن شپ میں قومی ٹیم کے کھلاڑی مردوں کے 6 اور خواتین کے 3 ایونٹس میں حصہ لیں گے،چیمپیئن شپ میں پاکستانی مرد کھلاڑی ڈیسک تھرو۔

(جاری ہے)

100میٹر ریس۔200میٹر ریس،۔400میٹر ریس، 4X100 ریلے ریس اور 4X400 ریلے ریس جبکہ خواتین کھلاڑی 100میٹر ریس، 200میٹر ریس اور 4X400 ریلے ریس کے مقابلوں میں حصہ لیں گیں، انہوں نے کہا کہ دو روزہ سائوتھ ایشین جونیئر اتھلیٹکس چیمپیئن شپ 5 مئی سے سری لنکا کے دارالحکومت کولمبو میں شروع ہوگی، جس میں آٹھ ممالک کی ٹیمیں حصہ لے رہی ہیں جن میں پاکستان سمیت میزبان سری لنکا،، بھارت،، مالدیپ، نیپال، بھوٹان، افغانستان اوربنگلہ دیش شامل ہیں انہوں نیکہا کہ قومی ٹیم کے کھلاڑیوں کا چیمپئن شپ کی تیاری کے سلسلہ میں تربیتی کیمپ پاکستان سپورٹس کمپلیکس میں جاری ہے اور ان کھلاڑیوں کو ہیڈ کوچ محمد اصغر گل کے علاوہ دیگر کوچز رانا سجاد، بشری پروین اور سمی رضوی جدید اور اعلی تربیت دے رہے ہیں، انہوں نے کہا کہ قومی ٹیم کے کھلاڑی 4 مئی کو سری لنکا رووانہ ہوگی-