ضابطہ لباس کی پابندی نہ کرنے پر تشدد،ایرانی صدر کی اخلاقی پولیس پر تنقید

ایرانی وزیراخلہ کا تحقیقات کا حکم، ملوث خاتون ایجنٹ کو عہدے سے معطل کر دیا گیا ،قانون ساز طیبہ سیاووشی

اتوار اپریل 11:50

تہران(اُردو پوائنٹ اخبارتازہ ترین۔ 22 اپریل2018ء) ایران کے صدر حسن روحانی نے قومی ضابطہ لباس کی پابندی نہ کرنے کے باعث خواتین پر تشدد کرنے پر اخلاقی پولیس کو تنقید کا نشانہ بنایا ہے۔غیر ملکی خبر رساں ایجنسی کے مطابق ایرانی صدر کی جانب سے مذمتی بیان تہران میں اس طرح کا واقعہ پیش آنے کے بعد اس کی ویڈیو سوشل میڈیا پر وائرل ہونے کے بعد سامنے آیا۔

(جاری ہے)

انہوں نے کہا کہ نیکی کو فروغ دینا اور برائی کو روکنا اخلاقی پولیس کا بیان کردہ مینڈیٹ ہے جس کے بعد تشدد غیر عملی بات ہے۔ان کا کہنا تھا کہ نیکی کو فروغ دینے کے لیے لوگوں کے گریبان پکڑنے سے کوئی فائدہ نہیں ہوگا۔دوسری طرف ایران کے وزیر داخلہ عبدالرضا رحمانی فضلی نے انتظامیہ کو واقعے کی تحقیقات کا حکم دے دیا۔قانون ساز طیبہ سیاووشی نے کہا کہ واقعے میں ملوث خاتون ایجنٹ کو عہدے سے معطل کر دیا گیا ہے۔

متعلقہ عنوان :