صدرکے مشیر خارجہ امور نوروز محمدوف آذربائیجان کے نئے وزیراعظم منتخب

آذربائیجان کی پارلیمنٹ نے ملک کے نئے وزیراعظم کے لیے نوروز محمدوف کی منظوری دے دی

اتوار 22 اپریل 2018 12:20

باکو(اُردو پوائنٹ اخبارتازہ ترین - این این آئی۔ 22 اپریل2018ء) وسطی ایشیائی ریاست آذربائیجان کی پارلیمنٹ نے ملک کے نئے وزیراعظم کے لیے نوروز محمدوف کی منظوری دے دی ہے۔ میڈیارپورٹس کے مطابق وہ وزارت عظمیٰ سنبھالنے سے قبل ملکی صدر الہام علیئیف کے خارجہ امور کے مشیر تھے۔

(جاری ہے)

وہ آذربائیجانی صدر کے دفتر کے نگران بھی رہ چکے ہیں۔ محمدوف کے نام کی توثیق ایسے وقت میں کی گئی ہے جب الہام علیئیف نے چوتھی مدت صدارت کے الیکشن میں کامیابی ابھی چند روز قبل حاصل کی تھی۔ یورپی سلامتی و تعاون کی تنظیم نے رواں مہینے کے دوران ہونے والے صدارتی الیکشن کو غیرشفاف قرار دیا تھا۔