یوئیفا چیمپئنز لیگ کے سیمی فائنلز کا آغاز (کل) سے ہوگا

اتوار 22 اپریل 2018 13:10

لندن (اُردو پوائنٹ اخبارتازہ ترین - این این آئی۔ 22 اپریل2018ء) یوئیفا چیمپئنز فٹ بال لیگ کے سیمی فائنلز کا آغاز (کل) منگل سے ہوگا ۔میڈیا رپورٹ کے مطابق یوئیفا چیمپئنز لیگ کی سیمی فائنل لائن اپ مکمل ہو گئی ہے اور چار بہترین ٹیموں ریال میڈرڈ، روما، بائرن میونخ اور لیورپول نے شاندار کھیل کی بدولت لاسٹ فور میں جگہ بنا رکھی ہے۔

(جاری ہے)

ایونٹ کے سیمی فائنل ڈراز کا اعلان کر دیا گیا جن میں ریال میڈرڈ کا مقابلہ بائرن میونخ اور روما کا مقابلہ لیورپول سے ہو گا، سیمی فائنلز فرسٹ لیگ میچز (کل) منگل اور سیکنڈ لیگ میچز 2 مئی کو شیڈول ہیں، دو ٹاپ ٹیموں کے درمیان چیمپئنز لیگ کا فائنل 26 مئی کو کائیو، یوکرین میں کھیلا جائے گا۔