سی ڈی اے مزدور یونین رہنما چوہدری محمد یٰسین و عہدیداران کی پی آئی اے ریفرنڈم میں کامیابی پر پیپلز یونٹی کے مرکزی صدر اور دیگر عہدیداران کو مبارکباد

اتوار 22 اپریل 2018 16:20

اسلام آباد ۔ (اُردو پوائنٹ اخبارتازہ ترین - اے پی پی۔ 22 اپریل2018ء) سی ڈی اے مزدور یونین کے قائد چوہدری محمد یٰسین و دیگر عہدیداران نے پی آئی اے میں ہونے والے ریفرنڈم میں کامیابی پر پیپلز یونٹی کے مرکزی صدر ہدایت اللہ خان اور دیگر عہدیداران کو مبارکباد پیش کی،اس موقع پر انہوں نے کہا کہ یقینا پیپلز یونٹی کی جیت پی آئی اے کے مزدوروں کی جیت ہے اور ریفرنڈم میں کامیابی ان کی خدمات کا اعتراف ہے اور ہم امید کرتے ہیں کہ پہلے کی طرح آئندہ بھی پیپلز یونٹی کے تمام قائدین مزدوروں کی بہتری اور فلاح و بہبود کیلئے اپنی جدوجہد اور کاوشوں کو جاری رکھیں گے اورپی آئی اے کی نجکاری رکوانے سمیت باہمی گفت و شنید کے ذریعے مزدوروں کے دیگر مسائل کو ترجیحی بنیادوں پر حل کروائیں گے تا کہ پی آئی اے جیسا قومی ادارہ بحران سے نکل کر ترقی کی راہ پر گامزن ہو سکے۔