وزیر داخلہ سندھ اور آئی جی سندھ کی ایڈیشنل آئی جی کے ہمراہ زخمی ایس ایچ او کلفٹن کی عیادت

پولیس مقابلے میں شہید ہیڈ کانسٹیبل کے لئے 5 لاکھ روپے علاوہ مروجہ مراعات اور زخمی ایس ایچ او کے لئے دو لاکھ روپے کا اعلان

اتوار 22 اپریل 2018 18:20

کراچی (اُردو پوائنٹ اخبارتازہ ترین - این این آئی۔ 22 اپریل2018ء) وزیر داخلہ سندھ سہیل انور خان سیال اور آئی جی سندھ اے ڈی خواجہ نے ساؤتھ سٹی ہسپتال میں زیر علاج ایس ایچ اوکلفٹن شاہد چوہدری کی عیادت کی۔اس موقع پر ایڈیشنل آئی جی کراچی،ڈی آئی جی ساؤتھ اور ایس ایس پی ساؤتھ بھی موجود تھے ۔

(جاری ہے)

ایس ایچ او کلفٹن انسپکٹر شاہد چوہدری گزشتہ روز توحید کمرشل کلفٹن میں پولیس مقابلے کے دوران زخمی جبکہ ہیڈ کانسٹیبل ہدایت اللہ نیازی شہید ہوئے تھے۔آئی جی سندھ نے اس موقع پر زخمی ایس ایچ او کیلئے دو لاکھ روپے جبکہ شہید ہیڈ کانسٹیبل کے ورثاء کیلئے محکمہ پولیس سندھ کی جانب سے مروجہ مراعات کے علاوہ پانچ لاکھ روپے انعام کا اعلان کیا۔