آیت اللہ خامنہ کے پاس درستگی کیلئے آخری موقع ہے،احمدی نژاد

اگر ایسے ہی چلتا رہا تو عین ممکن ہے کہ آنیوالا طوفان نظام کو بہا لے جائے،انٹرویو

اتوار 22 اپریل 2018 23:00

تہران(اُردو پوائنٹ اخبارتازہ ترین - آن لائن۔ 22 اپریل2018ء) ایران کے سابق صدر محمود احمدی نژ اد نے ایک بار پھر ملک کے سپریم لیڈر رہبر انقلاب اسلامی آیت اللہ علی خامنہ ای کو کڑی تنقید کا نشانہ بناتے ہوئے کہاہے کہ ملک میں حقیقی اصلاحات شروع کرنے کیلئے خامنہ ای کے پاس آخری موقع ہے،اس سے پہلے کے آنے والا طوفان نظام کو بہا لے جائے حکومت کو اپنا قبلہ درست کرناہوگا۔

(جاری ہے)

اتوار کو ٹی وی چینل کو انٹرویو دیتے ہوئے سابق صدر محمود احمدی نژاد نے کہا کہ سپریم لیڈر آیت اللہ خامنہ شفافیت کامظاہرہ کریں،اپنے کام کی نوعیت اور دیگر عہدیداروں کی ذمہ داریوں اور ان کی کارکردگی کے حوالے سے قوم کو آگاہ کریں،حکومتی عہدیداروں کو اپنی ذمہ داریاں کما حقہ ادا کرنے پر مجبور کیا جائے۔انہوں نے کہاکہ مجھے زندگی میں کبھی غلط بیان اور جھوٹ بولنے کی ضرورت محسوس نہیں ہوئی مگر یہاں صرف ایک چیز سب سے اہم ہے اور مجھے بھی اس بارے میں بات کرنا ہے۔ جب آپ ہرطرف لوگوں کو یہ کہتے سنتے ہیں کہ عدلیہ کرپٹ ہے تو میں بھی عدلیہ کے سربراہ کے استعفے کا مطالبہ کرتا ہوں۔