خیبرپختون خوا میں آمدن سے زائد اثاثہ جات اور اختیارات کا ناجائز استعمال

نیب نے مختلف سرکاری محکموں کیخلاف کرپشن تحقیقات کا آغاز کردیا تحقیقات ا ٹورازم کارپوریشن ملازمین،ڈی ای او زنانہ،ٹی ایم اے نوشہرہ ایڈمنسٹریٹو آفیسر،سینئر آڈیٹر،اکاؤنٹس آفیسر شانگلہ کیخلاف شروع

اتوار 22 اپریل 2018 23:00

پشاور(اُردو پوائنٹ اخبارتازہ ترین - آن لائن۔ 22 اپریل2018ء) قومی احتساب بیورو (نیب) نے خیبرپختون خوا میں مختلف سرکاری محکموں کے حکام کیخلاف کرپشن کی تحقیقات شروع کردیں ہیں۔گزشتہ روز پشاور میں نیب ریجنل بورڈ کا اجلاس ہوا،جس میں مختلف محکموں کے حکام کیخلاف تحقیقات کی منظوری دی گئی،اجلاس میں خیبرپختون خوا ٹورازم کارپوریشن کے ملازمین کیخلاف بدعنوانی کی تحقیقات کی منظوریگئی۔

(جاری ہے)

اس کے علاوہ ڈی ای او زنانہ ڈی آئی خان کیخلاف بدعنوانی اور اختیارات کے ناجائز استعمال کی انکوائری بھی شروع کردی گئی ہے۔دوسری جانب ٹی ایم اے نوشہرہ کے ایڈمنسٹریٹو آفیسر کیخلاف بھی کرپشن اور اختیارات کے ناجائز استعمال کے الزام میں تحقیقات شروع کرد گئیں،سینئر آڈیٹر،اکاؤنٹس آفیسر شانگلہ کیخلاف آمدن سے زائد اثاثے بنانے پر ضمنی ریفرنس دائر کرنے کا بھی حکم جاری کردیا گیا ہے۔