سائوتھ ایشین جوڈو چمپئن شپ کا پہلا روز ،فاٹاسے تعلق رکھنے والے ایتھلیٹ قیصر خان آفریدی نے گولڈمڈل جیت لیا

اگر قیصر خان کی طرح فاٹاکے دیگر کھلاڑیوں کو موقع دیاگیا تو وہ بھی اسی طرح کاکردگی دکھائیں گے، رحمت گل آفریدی

اتوار 22 اپریل 2018 23:20

پشاور(اُردو پوائنٹ اخبارتازہ ترین - آئی این پی۔ 22 اپریل2018ء) فاٹااولمپک ایسوسی ایشن کے سیکرٹری جنرل اور قبائلی علاقہ جات میں مارشل آرٹس کھیل کے بانی رحمت گل آفریدی نے نیپال کے شہر کھٹمنڈو میں جاری سائوتھ ایشین جوڈو چمپئن شپ کے پہلے روز فاٹاسے تعلق رکھنے والے پاکستانی ایتھلیٹ قیصر خان آفریدی کو گولڈمڈل جیتنے پر خوشی کا اظہار کرتے ہوئے کہاکہ قیصر آفریدی نے شاندار کاکردگی کا مظاہرہ کرکے سبزہلالی پرچم کی نیک نامی کیلئے نمایاں کردار اداکیاہے ،جس پر انہیں فخر ہے ۔

(جاری ہے)

پشاور میں میڈیا سے گفتگوکرتے ہوئے رحمت گل آفریدی نے کہاکہ کھٹمنڈومیں کھیلے جانیوالے سائوتھ ایشین جوڈوچمپئن شپ کے پہلے روز منعقدہ مقابلوںمیں فاٹاسے تعلق رکھنے والے قیصر خان آفریدی نے 90 مائنس کیٹیگری میں نیپالی جوڈو کاز کو شکست سے دوچار کر کے گولڈمیڈل جیتا۔انہوںنے کہاکہ قیصر خان آفریدی کا پہلا انٹرنیشنل گولڈ میڈل ہے انہوںنے اس عزم کا اظہار کیاکہ اگر قیصر خان آفریدی اور اس طرح دیگر کھیلوں میں فاٹاکے دیگر کھلاڑیوں کو موقع دیاگیا تو انشاء اللہ وہ بھی اسی طرح کاکردگی دکھائینگے۔