آنیوالے عام انتخابات میں ،مخالفین کو عبرتناک شکست دینگے،مولانا محمود شاہ

اتوار 22 اپریل 2018 23:21

قلات (اُردو پوائنٹ اخبارتازہ ترین - آئی این پی۔ 22 اپریل2018ء) ضلعی امیر جے یو آئی مولانا محمود شاہ نے کہا کہ آنیوالے عام انتخابات میں جمیعت علماء اسلام کلین سوئپ کریگی ،مخالفین کو عبرتناک شکست دینگے،اسلام کی سربلندی اور اسلامی نظام کے نفاذ کیلئے جدوجہد جاری رہے گی ،عوام اب باشعور ہوچکی ہے علاقے کی ترقی کیلئے کسی بھی قربانی سے دریغ نہیں کرینگے ۔

ان خیالات کا اظہار جمعیت علماء اسلام (ف)کے زیر اہتمام منعقدہ جلسہ عام سے مولانا قاری محمد رحیم ،الیکشن سیل چیئرمین آغا حفظ الرحمان شاہ ،چیئرمین آغا فضل الرحمان شاہ ، مولانا محمد اکبر پندرانی ،آغا عطاء اللہ شاہ ،حاجی عبدالمجید نیچاری و دیگر نے خطاب کرتے ہوئے کیا۔

(جاری ہے)

اس موقع پر جلسہ عام میں ہزاروں افراد شریک تھے ،مقررین نے کہا کہ جمیعت علماء اسلام علماء کی جماعت ہے ہمارے اکابرین نے اسلام کی سربلندی کیلئے بے شمار قربانیاں دیکر اپنی زندگیاں وقف کی ،ہم انکے نقش قدم پر چل ہم جدو جہد کررہے ہیں ،لوگوں کی جوق درجوق شمولیت سے واضح ہورہی ہیکہ جمیعت ہی وہ واحد سیاسی و مذہبی جماعت ہے جو عوام کے حقوق کیلئے آواز بلند کررہی ہے ،قلات کے عوام کو قوم پرستوں پر رحم و کرم پر نہیں چھوڑ سکتے ،قوم پرستوں نے عوام کا استحصال کرکے عوام کو ترقی سے محروم رکھا ،عوام ترقی اور خوشحالی کی خاطر جے یو آئی کا ہاتھ مضبوط کرکے آنے والے الیکشن میں جمیعت کے امیدواروں کو کامیاب بنائیں ،جے یو آئی نے اپنے دور اقتدار میں عوام کی خوشحالی کیلئے جو ترقیاتی کام کئے تھے اس کے بعد آج تک ترقی کا سفر مکمل رکا ہوا ہے جے یو آئی نے انفرادی نہیں اجتماعی منصوبوں کو اہمیت دی ہے ،آج ہزاروں افراد کی جلسہ عام میںموجودگی سے ظاہر ہورہا ہیکہ عوا م کے امید کی آخری کرن جمیعت ہے ،انشاء اللہ آنے والا دور جمعیت کا ہوگا اور جمیعت علماء اسلام عوام کو مایوس نہیں کریگی ۔