پشاورپولیس قتل کے ملزم کو آلہ قتل سمیت گرفتار کر لیا ، ملزم مقتول کا بھائی نکلا

پیر 23 اپریل 2018 14:14

پشاور۔ (اُردو پوائنٹ اخبارتازہ ترین - اے پی پی۔ 23 اپریل2018ء) پشاورپولیس نے چند یوم قبل تھانہ پشتہ خرہ کے حدود میں اندھے قتل کا سراغ لگا کر ملزم کو آلہ قتل سمیت گرفتار کر لیا ملزم مقتول کا بھائی نکلا۔

(جاری ہے)

تفصیلات کے مطابق18اپریل کو مدعی علی گوہر ولد علی اکبر سکنہ ولی آباد نے تھانہ پشتہ خرہ میں رپورٹ درج کہ جوہر علی بیٹے کی شادی تھی اور رشتہ دار ان کی مہندی کی تقریب کر کے جب فارغ ہو کر واپس جا رہے تھے مقتول بیٹا بلال رشتہ داران کیساتھ باہر گیا تھا فائر نگ کی آواز سن کر باہر آیا تو بلال خون میں لت پت پڑا تھا جس کو ملزم یا ملزمان نے اسلحہ آتشین سے فائر نگ کر کے قتل کیا ہے ،ایس ایس پی آپریشن جاوید اقبال نے اندھے قتل کا سختی سے نوٹس لیتے ہوئے ایس پی کینٹ، اے ایس پی حیات آباد کی نگرانی میں ،ایس ایچ او پشتہ خرہ اعجاز خان ،اوآئی آئی پشتہ خر ہ سید عمر خان بمعہ دیگر نفری پولیس پر مشتمل ٹیم تشکیل دی جنہوں نے پیشہ ورانہ مہارت سے تفتیش کر کے آندھے قتل کا سراغ لگا کر ملزم مقتول کا بھائی جوہر علی ولد علی گوہر سکنہ ولی آباد کو گرفتار کر کے انکے قبضے سے آلہ قتل 30 بور پستول برآمد کر کے مزید تفتیش جاری ہے۔