شام پر حملے کیوں کیئی امریکی عوام کا ٹرمپ انتظامیہ کے خلاف احتجاج

امریکا جھوٹ بولتا ہے اور ایک آزاد ملک میں فوجی مداخلت کے لئے غلط جواز پیش کر رہا ہے،مظاہرین

پیر 23 اپریل 2018 15:10

دمشق (اُردو پوائنٹ اخبارتازہ ترین - این این آئی۔ 23 اپریل2018ء) شام پر حملے کے خلاف امریکی عوام نے ٹرمپ انتظامیہ کے خلاف مظاہرہ کیا ، شکاگو میں حکومت مخالف ریلی نکالی گئی، مظاہرین کا کہنا تھا حکومت جھوٹ بولتی ہے۔

(جاری ہے)

میڈیارپورٹس کے مطابق سیکڑوں لوگوں نے پلے کارڈ اٹھا کر احتجاج کیا، ان پر لوگو امریکا جھوٹ بول رہا ہے ، شام میں جنگ بند کرو اور امریکا شام سے نکل جاؤ جیسے نعرے درج تھے۔

مظاہرین کا کہنا تھا امریکا جھوٹ بولتا ہے اور ایک آزاد ملک میں فوجی مداخلت کے لئے غلط جواز پیش کر رہا ہے، ہر ملک کے شہریوں کو اپنے مقدر کا فیصلہ کرنے کی آزادی ہونی چاہیئے، شام کے شہر دوما پر مبینہ کیمیائی ہتھیاروں کے حملے پر امریکا اور اس کے اتحادیوں نے تیرہ اپریل کو شام پر میزائلوں سے حملے کئے۔