الیکشن کمیشن نے کس قانون کے تحت بھرتیوں پر پابندی لگائی سپریم کورٹ کے اٹارنی جنرل اور تمام ایڈووکیٹس جنرلز کو نوٹسز
بعض اہم ترین اداروں میں سربراہان کی تقرریوں کا عمل چل رہا ہے ،ْکیا الیکشن کمیشن کی پابندی کا اطلاق ان اداروں پر بھی ہوگا ،ْریمارکس وفاقی حکومت نے بعض بھرتیوں پر اجازت مانگی تھی ،ْ سیکرٹری الیکشن کمیشن کا بیان سرکاری اداروں میں بھرتیوں پر پابندی کا اختیار کس قانون میں ہے اور الیکشن کمیشن کے پاس پابندی کا اختیار کہاں سے آیا ،ْ اس کی وضاحت کی ضرورت ہے ،ْالیکشن میں تاخیر نہیں ہونی چاہیے اور آئندہ انتخابات اپنے وقت پر ہونے چاہئیں ،ْ چیف جسٹس ثاقب نثار کے ریمارکس
پیر 23 اپریل 2018 15:20
(جاری ہے)
اس موقع پر سیکرٹری الیکشن کمیشن نے کہا کہ وفاقی حکومت نے بعض بھرتیوں پر اجازت مانگی تھی۔
چیف جسٹس نے استفسار کیا کہ پہلے بتائیں الیکشن کمیشن کے پاس پابندی کا اختیار کہاں سے آیا اور بھرتیوں پر پابندی کا اختیار کس قانون میں ہے۔سیکرٹری الیکشن کمیشن نے کہا کہ آرٹیکل 218 کے تحت شفاف انتخابات کی ذمہ داری الیکشن کمیشن کی ہے اور الیکشن ایکٹ 217 بھی الیکشن کمیشن کو اختیارات دیتا ہے۔چیف جسٹس نے استفسار کیا کہ اسمبلیاں تحلیل ہونے سے پہلے کیا ایسا حکم دیا جاسکتا ہے ،ْکیا اس طرح کا فیصلہ حکومت کے امور کو متاثر نہیں کریگا اور کیا الیکشن کمیشن کے ایسے اختیار سے متعلق کوئی عدالتی فیصلہ موجود ہے۔چیف جسٹس نے کہا کہ ازخود نوٹس لینے کا مقصد بھی آپ کو بتا دیتا ہوں ،ْالیکشن میں تاخیر نہیں ہونی چاہیے اور آئندہ انتخابات اپنے وقت پر ہونے چاہئیں۔چیف جسٹس نے ریمارکس دیے کہ الیکشن کمیشن کے بھرتیوں پر پابندی کے فیصلے کی وضاحت ضروری ہے جب کہ عدالت نے اٹارنی جنرل اور تمام ایڈووکیٹس جنرلز کو نوٹسز جاری کرتے ہوئے سماعت (آج) منگل تک کے لئے ملتوی کردی۔ یاد رہے کہ الیکشن کمیشن نے 11 اپریل کو عام انتخابات کے پیش نظر سرکاری اداروں میں بھرتیوں پر پابندی عائد کردی تھی۔ الیکشن کمیشن کے فیصلے میں کہا گیا تھا کہ وفاقی، صوبائی اور مقامی حکومتوں کے اداروں میں بھرتیوں پر پابندی ہوگی جس کا اطلاق یکم اپریل 2018 سے ہوگا۔الیکشن کمیشن کے اعلامیے میں کہا گیا تھا کہ بھرتیوں پر پابندی کا اطلاق وفاقی اور صوبائی پبلک سروس کمیشن کے تحت ہونے والی بھرتیوں پر نہیں ہوگا۔مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.