اینجیلا مرکل کے بعد جرمنی میں ایک اور خاتون طاقتور ترین عہدے پر فائز
سوشل ڈیموکریٹس نے اپنی 155 سالہ تاریخ میں پہلی مرتبہ ایک خاتون کو سربراہ منتخب کرلیا
پیر 23 اپریل 2018 16:00
(جاری ہے)
انتخابات میں ایک بیرونی امیدوار کا توقع سے کم نتائج حاصل کرنا، پارٹی کے اندر طویل عرصے سے جاری غم و غصے کا عکاس ہے، جس میں آندریا نالیس کو غیر معمولی اہمیت دی گئی تاکہ وہ مرکل کے مقابلے میں قدامت پرست ماتحت ساتھیوں کے ساتھ حکومت میں آ سکیں۔
اس موقع پر پارٹی کے عبوری سربراہ، جرمن وزیر خزانہ اولاف شولز نے اسے ایک تاریخی لمحہ قرار دیتے ہوئے کہا کہ 'اس تبدیلی کا ایک طویل عرصے سے انتظار تھا'، خیال رہے کہ اس انتخاب کے بعد شولز کی سیاست کو ایک بڑا جھٹکا لگا ہے اور اب آندریا نالیس کو مشکلات کا شکار سوشل ڈیموکریٹ پارٹی کو بحال کرنا ہوگا۔جرمن سیاست پر ریسرچ کرنے والے ادارے 'انفراٹیسٹ ڈیمیپ کے گزشتہ ہفتے کیے گئے سروے کے مطابق، 47 فیصد افراد نے پارٹی کی سربراہی کے لیے نئے تجربہ کار افراد پر عدم اعتماد جبکہ صرف ایک تہائی افراد نے ان پر اعتماد کا اظہار کیا۔لیبر پارٹی کی گرتی ہوئی مقبولیت کے سبب متوسط طبقے کے ووٹر کو واپس لانا، اور اینجیلا مرکل کے ہوتے ہوئے پارٹی کی سربراہی سنبھالنا آندریا نالیس کے لیے ایک چیلنج ہوگا۔انہوں نے اس عزم کا اظہار کیا کہ سوشل ڈیموکریٹ پارٹی، معاشرے میں انصاف اور بہبود کے لیے جدو جہد کرے گی، ان کا کہنا تھا کہ آج کی تیز رفتار گلوبل، نئی لبرل دنیا میں یکجہتی کے ساتھ کام کرنے کی ضرورت ہے۔آندریا نالیس بہتر اجرت کے لیے آواز بلند کر چکی ہیں کیوں کہ ٹیکنالوجی کے پھیلا کی وجہ سے روایتی ملازمتوں کا فقدان ہے جبکہ ان کی پالیسیز میں یورپی یونین کے لیے بھی نرم گوشہ ہے، جو بین الاقوامی تعلقات میں تعاون کے اضافے میں مددگار رہے گا۔اینجیلا مرکل کی طرح تیز، محنتی، اور معاملہ فہم سمجھی جانے والی سیاست دان آندریا نالیس کو تنفید کا نشانہ بھی بنایا جاتا رہا ہے۔آندریا نالیس ایک مزدور کی بیٹی اور دیہی پس منظر رکھتی ہیں، اور وہ اب بھی اپنی صاحبزادی کے ہمراہ اپنے خاندانی فارم ہاس میں مقیم ہیں، مذہبی طور پر باعمل، آندریا نالیس خود کو دل سے قدامت پسند کہتی ہیں، جو مزدور طبقے کے لیے آواز بلند کرتی ہیں۔آندریا نالیس نے ایک مرتبہ اپنی اسکول کی ڈائری میں لکھا تھا کہ 'ایک دن وہ یا تو خاتون خانہ بنیں گی، یا جرمنی کی چانسلر'۔جرمن زبان و ادب کی تعلیم کے دوران 25 سال کی عمر میں انہوں نے لیبر پارٹی کے یوتھ ونگ میں شمولیت اختیار کی جبکہ اپنے قصبے میں پارٹی کے نئے باب کا بھی آغاز کیا۔آندریا نالیس اپنی سیاست کے آغاز سے ہی سیاست میں غیر معمولی حیثیت رکھتی ہیں، انہوں نے سابق چانسلر 'گیرہارڈ' کے ایجنڈے سے اختلاف کرتے ہوئے کہا تھا کہ میرے پاس سیاسی بتوں کے لیے کوئی وقت نہیں۔مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.