ایم کیو ایم کے رکن قومی اسمبلی خواجہ سہیل کا ایمنسٹی سکیم کیخلاف اسمبلی سے مستعفی ہونے کا اعلان

ایمنسٹی سکیم پر کمیٹی نہ بنی تو اسمبلی کے اگلے سیشن میں سپیکرکواستعفا اور اپناستارہ امتیازاحتجاجاًپیش کردونگا،چیف جسٹس ایمنسٹی سکیم پر سوموٹو لیں،ٹیکس دہندگان کے ساتھ زیادتی پرخاموش نہیں رہوں گا

پیر اپریل 19:32

کراچی (اُردو پوائنٹ اخبارتازہ ترین۔ 23 اپریل2018ء) ایم کیو ایم کے رکن قومی اسمبلی خواجہ سہیل نے ایمنسٹی سکیم کیخلاف اسمبلی سے مستعفی ہونے کا اعلان کردیا،ایمنسٹی سکیم پر کمیٹی نہ بنی تو اسمبلی کے اگلے سیشن میں سپیکرکواستعفا اور اپناستارہ امتیازاحتجاجاًپیش کردونگا،،چیف جسٹس ایمنسٹی سکیم پر سوموٹو لیں۔۔پیر کو تفصیلات کے مطابق ایم کیو ایم کے رکن قومی اسمبلی ایم اے این خواجہ سہیل نے ایمنسٹی سکیم کیخلاف اسمبلی سے مستعفی ہونے کا اعلان کردیا۔

(جاری ہے)

انہیں نے کہا کہ ایوان میں طے ہوا تھا کہ ایمنسٹی سکیم پر کمیٹی تشکیل دی جائے گی،تاحال سپیکر نے کوئی ایکشن نہیں لیا۔ کمیٹی نہ بنی تو اسمبلی کے اگلے سیشن میں سپیکرکواستعفا اور اپناستارہ امتیازاحتجاجاًپیش کردونگا۔خواجہ سہیل کا کہناتھا کہ ٹیکس دہندگان کے ساتھ زیادتی پرخاموش نہیں رہوں گا،ایوان جانے،،وزیراعظم جانیں اور یہ حکومت جانے،اب اس اسمبلی میں ہم جیسے ٹیکس دہندگان کا کام نہیں۔ ملک اور عوام کیلئے قربانی دینے کو تیار ہوں،،چیف جسٹس ایمنسٹی سکیم پر سوموٹو لیں۔