ایم پی اے ضیاء اللہ بنگش کا ڈویژنل ہیڈکوارٹرز بیوٹیفیکیشن پراجیکٹ کے تحت جاری منصوبوں کا دورہ ، کام کی رفتار کا جائزہ

پیر 23 اپریل 2018 20:11

پشاور(اُردو پوائنٹ اخبارتازہ ترین - آئی این پی۔ 23 اپریل2018ء) ایم پی اے ضیاء اللہ بنگش نے 1ارب سے زائدلاگت کے ڈویژنل ہیڈکوارٹرز اپ لفٹ اینڈ بیوٹیفیکیشن پراجیکٹ کے تحت جاری تاندہ ڈیم اور اس کے روڈز کی بحالی منصوبے کا معائنہ کیا،اس پر کام کی رفتار کا جائزہ لیا۔

(جاری ہے)

معائینے کے دوران انہیں بتایاگیاکہ تاندہ ڈیم کوہاٹ کاواحدتفریحی مقام ہے جہاں روزانہ ہزاروں افراد اپنی فیملی کے ہمراہ سیر و تفریح کے لئے آتے ہیں لیکن سڑکوں کی زبوں حالی اور دیگر تفریحی سہولیات نہ ہونے کی وجہ سے شہریوں کومشکلات کا سامنا کرنا پڑتا ہے تاہم اب تاندہ ڈیم کے اپروچ روڈ اور مین سٹرک کی تکمیل کے بعد کوہاٹ کے عوام کی مشکلات میں کمی ہوگی جبکہ انھیںسیر وتفریح کے بہتر ین مواقع میسر آئیں گے۔

تاندہ ڈیم بحالی منصوبے میں چلڈرن پارک اورٹورسٹ ریزارٹ کی تعمیر اور دوسری تفریحی سہولیات کی فراہمی شامل ہے۔ ضیاء اللہ بنگش نے اس موقع پر متعلقہ اداروں کو ہدایت کی کہ وہ منصوبے کے معیار پر سمجھوتہ کیے بغیر کی اس کی وقت پر تکمیل کو یقینی بنائیں۔انہوں نے واضح کیا کہ اس پراجیکٹ میں تاخیر کی گنجائش نہیں۔دریں اثناء چیئرمین سٹینڈنگ کمیٹی نے شاہ آباد اربن 1 میں ٹیوب ویل کا بھی افتتاح کیا جس سے یہاں کے عوام کا درینہ مسئلہ حل ہوگیا۔

Facebook Twitter Google + Share on Whatsapp

ایم پی اے ضیاء اللہ بنگش کا ڈویژنل ہیڈکوارٹرز بیوٹیفیکیشن پراجیکٹ کے تحت جاری منصوبوں کا دورہ ، کام کی رفتار کا جائزہ

متعلقہ عنوان :

مزید قومی خبریں