محکمہ اینٹی کرپشن کا چھاپہ،میونسپل کمیٹی فتح جنگ کا آڈٹ آفیسر رشوت لیتے ہوئے رنگے ہاتھوں گرفتار،نشان زدہ نوٹ برآمد

منگل 24 اپریل 2018 00:10

فتح جنگ ۔ (اُردو پوائنٹ اخبارتازہ ترین - اے پی پی۔ 24 اپریل2018ء) ڈی جی اینٹی کرپشن پنجاب بریگیڈیئر مظفر علی رانجھا اور ڈائریکٹر اینٹی کرپشن راولپنڈی ریجن عارف رحیم کی خصوصی ہدایت پر انسداد رشوت ستانی کی ڈپٹی ڈائریکٹر کنول بتول نقوی کی قیادت میں سرکل آفیسر اینٹی کرپشن اٹک انسپکٹرغلام اصغر چانڈیوکا میونسپل کمیٹی فتح جنگ میں کرپٹ آفیسر کے خلاف کامیاب چھاپہ ،آڈٹ آفیسر عبدالوہاب کو رشوت لیتے ہوئے رنگے ہاتھوں گرفتار کر لیا اورنشان زدہ نوٹ برآمدکر لیے، سپیشل جوڈیشنل مجسٹریٹ سول جج فتح جنگ وسیم سجاد خود ٹریپ ریڈ کی نگرانی کرتے رہے میونسپل کمیٹی فتح جنگ کے ٹھیکیدار عبدالمالک کی شکایت پر سرکل آفیسر غلام اصغر چانڈیو نے ایم سی آفس پر ریڈ کیا درخواست دہندہ نے کرپٹ آفیسر کو سول جج کے نشان زدہ نوٹ دیے جوسرکل آفسیر نے برآمد کر کے آڈٹ آفیسر کو گرفتار کر لیا،ملزم کے خلاف تھانہ اینٹی کرپشن اٹک میں زیر دفعہ 161ت۔

(جاری ہے)

پ PCA 5/2/47مقدمہ درج کر لیا گیا، چیئرمین میونسپل کمیٹی فتح جنگ ملک عابد داؤد ،کونسلر حاجی محمد اعظم ،محمد سفیر ملک اور دیگر نے کرپٹ مافیا کے خلاف اینٹی کرپشن کی کاروائی پر ڈپٹی ڈائریکٹر اینٹی کرپشن کنول بتول نقوی اور سرکل آفیسر انسپکٹر غلام اصغر چانڈیو کو زبردست خراج تحسین پیش کیا ۔