کویت، تیل پلانٹ میں لگنے والی آگ پر قابو پالیا گیا

منگل 24 اپریل 2018 09:40

کویت سٹی ۔ (اُردو پوائنٹ اخبارتازہ ترین - اے پی پی۔ 24 اپریل2018ء) کویتی محکمہ شہری دفاع نے تیل کے پلانٹ میں لگنے والا آگ پر قابو پالیا۔ کویت کے ذرائع ابلاغ کے مطابق المقطوع علاقہ میں کویت پٹرولیم کمپنی کے پلانٹ کے ایک پائپ سے تیل رسنے کے باعث آگ لگ گئی۔

(جاری ہے)

محکمہ شہری دفاع نے فوری کارروائی کرتے ہوئے آگ پر قابو پالیا۔ آتشزدگی کے باعث کوئی جانی نقصان نہیں ہوا۔ شہری دفاع کے سربراہ جنرل بدر البلیہص نے بتایا کہ شہری دفاع کی ٹیموں نے تیل رسنے کے وقت آگ بجھانے کے ضابطوں پر عمل کرتے ہوئے آتشزدگی پر قابو پالیا۔