کوہالہ پولیس کی منشیات فروشوں کے خلاف مہم جاری ،منشیات فروش گرفتار ،,24بوتل شراب برآمد، گاڑی ضبط

منگل 24 اپریل 2018 15:01

مظفرآباد ۔ (اُردو پوائنٹ اخبارتازہ ترین - اے پی پی۔ 24 اپریل2018ء) کوہالہ پولیس کی منشیات فروشوں کے خلاف مہم جاری ،منشیات فروش گرفتار 24بوتل شراب برآمد ،گاڑی ضبط کر لی گئی ۔

(جاری ہے)

ایس ایس پی مظفرآباد راجہ اکمل خان کی ہدایت پر چوکی آفیسر کوہالہ افتخار احمد اعوان نے تفتیشی ہیڈ کانسٹبل امتیاز حسین اور دیگر نفری کے ہمراہ گاریوں کی چیکنگ کے دوران مری سے مظفرآباد آنے والی نمبر ایل آر ایم 8000کو روک کر تلاشی لی تو کار کے خفیہ خانوں سے 24بوتل شراب برآمد ہوئی ۔

کوہالہ پولیس نے کار میں سوار ملزم ساجد ولد علی زمان ساکنہ کنگڑ سریاں کو گرفتار کرتے ہوئے ملزم کے خلاف مقدمہ درج کر کے مزید تفتیش شروع کر دی ہے ۔جبکہ ملزم کے زیر استعمال کار بھی ضبط کر لی گئی ہے ۔کوہالہ پولیس کی رواں ہفتے منشیات فروشوں کے خلاف یہ دوسری کارروائی ہے ۔