مشتاق اور ثقلین نظرانداز، سری لنکا نے پیٹرسلیپ کو کیمپ میں بلا لیا

منگل 24 اپریل 2018 17:50

کولمبو(اُردو پوائنٹ اخبارتازہ ترین - آئی این پی۔ 24 اپریل2018ء) سابق آسٹریلوی اسپنر پیٹر سلیپ سری لنکا میں سلو بولرز کے 2ہفتوں پر محیط ٹریننگ سیشن میں شریک ہوں گے۔

(جاری ہے)

سری لنکن بورڈ نے 61 سالہ سلیپ کو آزمائشی بنیادوں پر بلایا ہے، ٹریننگ سیشن کے بعد فیصلہ کیا جائے گا کہ انھیں طویل مدت کیلیے سری لنکن اسپن کوچ کی ذمہ داری سونپی جائے یا نہیں۔ ان کی سفارش ہیڈ کوچ چندیکا ہتھورا سنگھے نے کی ہے۔ سلیپ آسٹریلیا کی جانب سے ماضی میں 14 ٹیسٹ کھیل چکے ہیں۔یاد رہے کہ اس ذمہ داری کیلیے امیدواروں میں پاکستان کے مشتاق احمد اور ثقلین مشتاق بھی شامل ہیں۔