سپریم کورٹ نے حکام سے بیرون ملک قید پاکستانیوں کی تفصیلات مانگ لیں

ہمارے ملک کے قیدی مختلف ممالک میں قید ہیں ،ْوزیر داخلہ کہاں ہیں، پاکستانی بیرون ملک جیلوں میں رل رہے ہیں ،ْ بتایا جائے کہ کتنے عرصے میں قیدی پاکستان آجائیں گے ،ْ چیف جسٹس کے ریمارکس

منگل اپریل 18:32

سپریم کورٹ نے حکام سے بیرون ملک قید پاکستانیوں کی تفصیلات مانگ لیں
اسلام آباد (اُردو پوائنٹ اخبارتازہ ترین۔ 24 اپریل2018ء) سپریم کورٹ نے بیرون ملک جیلوں میں قید پاکستانیوں سے متعلق تمام تفصیلات طلب کرلیں۔ منگل کوچیف جسٹس پاکستان جسٹس میاں ثاقب نثار نے بیرون ممالک جیلوں میں قید پاکستانیوں سے متعلق کیس کی سماعت کی۔اس موقع پر درخواست گزار نے عدالت کو بتایا کہ متحدہ عرب امارات کی مختلف جیلوں میں 2 ہزار 710، برطانیہ میں 423، ایران میں 189، تھائی لینڈ میں 83 ،ْترکی میں 69، سری لنکا میں 87 اور ا?ذر بائیجان میں 3 پاکستانی قید ہیں۔

(جاری ہے)

اس موقع پر چیف جسٹس نے کہا کہ ہمارے ملک کے قیدی مختلف ممالک میں قید ہیں ،ْوزیر داخلہ کہاں ہیں، پاکستانی بیرون ملک جیلوں میں رل رہے ہیں، ہمیں بتایا جائے کہ کتنے عرصے میں قیدی پاکستان آجائیں گے۔۔چیف جسٹس پاکستان نے کہا کہ چوہدری نثار کو خیال آیا تو قیدیوں کی حوالگی کا معاہدہ معطل کردیا ،ْقیدی اپنے ملک میں سزائیں کاٹ سکتے ہیں۔ چیف جسٹس نے کہا کہ ہمیں وزارت داخلہ اور خارجہ دونوں سے پوچھ کر بتائیں کہ کتنے عرصے میں پاکستانی قیدی آجائیں گے۔