عمران خان اچانک اسلام آباد روانہ،سکیورٹی خدشات پردورہ اندرون لاہورمنسوخ

sanaullah nagra ثنااللہ ناگرہ منگل اپریل 18:57

عمران خان اچانک اسلام آباد روانہ،سکیورٹی خدشات پردورہ اندرون لاہورمنسوخ
لاہور(اُردوپوائنٹ اخبارتازہ ترین۔24 اپریل 2018ء) :چیئرمین تحریک انصاف عمران خان نے سکیورٹی خدشات کے باعث اندرون لاہور کادورہ منسوخ کردیا،،عمران خان کااندرون لاہور کادورہ کوئٹہ میں دہشتگردی واقعات کے بعد منسوخ کیا گیا ہے۔میڈیا رپورٹس کے مطابق چیئرمین پی ٹی آئی عمران خان نے سکیورٹی خدشات کے باعث اندرون لاہور کادورہ منسوخ کردیا۔۔عمران خان اپنا دورہ اچانک منسوخ کرکے اسلام آباد جانے کیلئے ایئرپورٹ روانہ ہوگئے ہیں۔

بتایا جارہا ہے کہ عمران خان نے اپنا دورہ اندرون لاہور کوئٹہ میں دہشتگرد دھماکوں کے باعث منسوخ کیا ہے۔اس سے قبل چیئرمین پی ٹی آئی عمران خان نے رابطہ مہم سے قبل مزار داتادربار پر حاضری دی جہاں انہوں نے پھولوں کی چادر چڑھائی اور فاتحہ خوانی بھی کی۔

(جاری ہے)

اس کے بعد عوامی رابطہ مہم کا آغاز کرتے ہوئے ایک ریلی کی قیادت کی عمران خان نے سب سے پہلے بھاٹی چوک میں موجود پارٹی ورکروں سے مختصر خطاب کیا عمران خان کیلئے بھاٹی چوک میں باقاعدہ کنٹینر لگا کر ایک سٹیج بنایا گیا تھا عمران خان بھاٹی چوک پر پارٹی ورکروں سے خطاب کے بعد شاہ عالم چوک روانہ ہوگئے جہاں انہوں نے پارٹی کی رکنیت سازی کے کیمپ کادورہ کیا اور وہاں پر موجود پارٹی ورکروں کی کثیر تعداد سے اظہار خیال کیا جس کے بعد پی ٹی آئی کے سربراہ ایک ریلی کی قیادت کرتے ہوئے شیرانوالہ گیٹ روانہ ہوگئے شیرانوالہ گیٹ میں قائم کئے گئے پارٹی کے رکنیت سازی کیمپ کا دورہ کرنے کے بعدعمران خا ن موچی دروازہ پہنچے جہاں انہو ں نے رکنیت سازی کیمپ کادورہ کرنے کے بعد بیرون موچی دروازہ کے جلسہ گاہ میں پارٹی ورکروں اور لاہور کے عوام سے خطاب کیا۔

تاہم اب عمران خان نے اندرون لاہور کا دورہ کرنا تھا لیکن سکیورٹی خدشات کے باعث دورہ منسوخ کردیا گیا۔