سی ڈی اے کا کورنگ نالے کے اطراف قائم تجاوزات ،غیرقانونی تعمیرات کے خلاف آپریشن، کچے گھروں کو مسمارکردیا

منگل 24 اپریل 2018 22:56

اسلام آباد ۔ (اُردو پوائنٹ اخبارتازہ ترین - اے پی پی۔ 24 اپریل2018ء) سی ڈی اے انتظامیہ نے کورنگ نالے کے اطراف قائم تجاوزات ،غیرقانونی تعمیرات اورقبضہ کے خلاف ''آپریشن کیا،سی ڈی اے کے شعبہ انفورسمنٹ نے مذکورہ آپریشن کے دوران کچے گھروں کو مسمارکردیا، شعبہ انفورسمنٹ ،انوائر منٹ سمیت مجسٹریٹ آئی سی ٹی علی جاوید،پولیس سمیت دیگر متعلقہ شعبہ جات نے بھی آپریشن میں حصہ لیا۔

(جاری ہے)

آپریشن کے دوران 18کچی اورعارضی چاردیواریاں اور 8کچے کمرے مسمار کئے گئے ہیں۔مزکورہ آپریشن سی ڈی اے اورضلعی انتظامیہ نے مشترکہ طور پر کیا۔