جنگلی حیات کی قدرتی ماحول میں افزائش یقینی بنانے کیلئے صوبہ بھر کی سینگچوریز اورنیشنل پارکس کو محفوظ پناہ گاہ کا درجہ دیدیا گیا، کسی بھی قسم کے شکار کی قطعا اجازت نہیں ہوگی
بدھ 25 اپریل 2018 15:24
(جاری ہے)
اس موقع پر ڈپٹی ڈائریکٹر وائلڈلائف ہیڈ کوارٹر ز محمد نعیم بھٹی،ڈپٹی ڈائریکٹر وائلڈلائف عامر مسعود،ڈپٹی ڈائریکٹر ٹریننگ گٹ والہ مظہر امتیاز، ڈپٹی ڈائریکٹر رائے زاہد علی اور دیگر افسران کے علاوہ تربیتی ورکشاپ میں صوبہ بھر سے آئے ہوئے شکاریوں کی بڑی تعداد موجود تھی۔
ڈی جی وائلڈ لائف نے کہا کہ محکمہ نے قانون کے دائرے میں رہ کر شکار کرنے والے شکاریوں کی ہر سطح پر نہ صرف حوصلہ افزائی کی ہے بلکہ انہیں شکار کے زیادہ سے زیادہ مواقع فراہم کرنے کی پالیسی پر گامزن ہے۔خالد عیاض خان نے کہا کہ شکاری حضرات محکمہ کی وضع کر دہ شکار کی اخلاقیات پر ہر صورت عملدرآمد یقینی بنائیں تاکہ قیمتی جنگلی حیات کو آئندہ نسلوں کے لئے محفوظ بنایا جا سکے۔ انہوں نے کہا کہ قدرتی نظام کا توازن برقرارو قائم رکھنے کے لئے ہر جانور اور پرندہ خصوصی کردار کا حامل ہے جس کو جاری رکھنے میں شکاری حضرات کو محکمہ کی مدد کر نا ہو گی۔ انہوں نے کہا کہ ورکشاپ میں آنے والے تمام شکاری حضرات کی رجسٹریشن کر لی گئی ہے اور انہیں جلد ہی ان کی ذمہ داریوں ، شکار کی حفاظتی تدابیر،قواعد و ضوابط اور شکار کی اخلاقیات پر مبنی پمفلٹ اور بروشر بھجوائے جائیں گے۔قبل ازیں ورکشاپ سے سابق ڈپٹی ڈائریکٹر وائلڈلائف غضنفر علی لنگاہ نے اسلام کی رو سے وائلڈ لائف کے مختلف پہلوئوں، ڈپٹی ڈائریکٹر وائلڈلائف رانا شہبازخان نے وائلڈ لائف ایکٹ کی شکار سے متعلق دفعات، ڈائریکٹر لاہور چڑیا گھر حسن علی سکھیرا نے شکار کی اخلاقیات، بیگ لمٹ اور لائسنسز کی اقسام اور حصول کا طریقہ کاراورجانوروں و پرندوں کی محفوظ پناہ گاہوں کی اقسام، ڈپٹی ڈائریکٹر وائلڈلائف ریسرچ ڈاکٹر زاہد فاروق نے وائلڈ لائف ایکٹ کے شیڈولز میں شامل پرندوں اور جانوروں کی تصاویر کے ذریعے شناخت اور ڈپٹی ڈائریکٹر وائلڈلائف ٹریننگ زاہد علی نے تربیتی ورکشاپ کی ایویلیوایشن بارے تفصیلی روشنی ڈالی۔ مزید برآں تربیتی ورکشاپ میں موجود شکاریوں کے نمائندے لقمان بٹ نے دوران شکار پیش آنے والی مشکلات بارے آگاہ کیا اور تجاویز دیں اور تربیتی ورکشاپ کے انعقاد کو محکمہ وائلڈ لائف اینڈ پارکس کی مثبت کاوش قرار دیا۔مزید زراعت کی خبریں
-
پاکستان بزنس فورم کی ایگزیکٹو کمیٹی کا اجلاس
-
مشروم کی 150 اقسام ، ہزاروں لوگ مشروم کی ایکسپورٹ کے ذریعے قیمتی زرمبادلہ کما رہے ہیں، ترجمان آری
-
پنجاب حکومت کا اگلے 2 سالوں کے دوران کاشتکاروں کو 60 فیصد سبسڈی پر 56 اقسام کے زرعی آلات فراہم کرنے کا فیصلہ
-
کماد کے کاشتکاروں کو فصل کی گوڈی اور نائٹروجن کھاد کی دوسری قسط ڈالنے کے بعد آبپاشی کی ہدایت
-
بہاریہ مکئی کو گڑوؤں اور کونپل کی مکھی سے بچانے کے لئے کاشتکاروں کومناسب دانہ دار زہرکے استعمال کامشورہ
-
کاشتکاروں سے 44 ہزار 783 میٹرک گندم کی خریداری کا ہدف مقررکیا گیا ہے، ڈپٹی کمشنرسیالکوٹ
-
فی 50 کلوگرام بیگ یوریا کی قیمت میں634روپے کا اضافہ
-
کپاس کی کاشت 15مئی سے 31مئی کے دوران مکمل کرنے کی ہدایت
-
پنجاب میں 40لاکھ ایکڑ پر کپاس کاشت کرنے کا ہدف مقرر
-
حکومت پنجاب کپاس کی پیداوار میں اضافہ کو اپنی اولین ترجیح کے طور پر لئے ہوئے ہے
-
کاشتکاربہاریہ سورج مکھی کی بہترین پیداوار کے لئے اچھے اگاؤ کاحامل بیج استعمال کر یں، محکمہ زراعت
-
امرود کے باغبانوں کو نئے پودے لگانے کا عمل 15اپریل تک مکمل کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.