سرغنہ عزیر بلوچ کی کسٹڈی کے حوالے سے جیل سپرنٹنڈنٹ نے تازہ رپورٹ پیش کر دی

بدھ اپریل 16:20

کراچی (اُردو پوائنٹ اخبارتازہ ترین۔ 25 اپریل2018ء) انسداد دہشت گردی کی عدالت میں لیاری گینگ کے سرغنہ عزیر بلوچ کی کسٹڈی کے حوالے سے جیل سپرنٹنڈنٹ نے تازہ رپورٹ پیش کر دی ۔ انسداد دہشت گردی کی عدالت میں لیاری گینگ وار کے سرغنہ عزیر بلوچ کی عدالت میں پیشی کے حوالے سے سماعت ہوئی ۔ عدالت میں جیل سپرنٹینڈنٹ نے لیاری گینگ کے سرغنہ عزیر بلوچ کی کسٹڈی کے حوالے سے تازہ رپورٹ پیش کی ۔

(جاری ہے)

رپورٹ میں بتایا گیا کہ عزیر بلوچ سمیت پانچ ملزمان کو 11 اپریل 2017 کو قانون نافذ کرنے والے اداروں کی تحویل میں دیا گیا ۔ عزیر بلوچ کو جوڈیشل مجسٹریٹ جنوبی نمبر 11 کی موجودگی میں قانون نافذ کرنے والے اداروں کے حوالے کیا گیا ۔ رپورٹ میں مزید بتایا گیا کہ عزیر بلوچ کو تھانہ نبی بخش کے مقدمہ الزام نمبر 67/2016 میں حوالے کیا گیا لیکن تاحال عزیر بلوچ کی کسٹڈی جیل کو موصول نہیں ہوئی ۔ عدالت نے جیل انتطامیہ کی رپورٹ کو ریکارڈ کا حصہ بناتے ہوئے مزید کارروائی ملتوی کر دی ۔