سالانہ ترقیاتی پروگرام کے تحت قبائلی علاقوں میں اربوں روپے کے ترقیاتی منصوبو ں پر بھی کام جاری ہے،اقبال جھگڑا

فاٹا اصلاحات کے نتیجے میں دس سالہ ترقیاتی پروگرام کے تحت ایک ہزارارب روپے کے ترقیاتی منصوبے مکمل کئے جائیں گے،گورنرخیبرپختونخوا

بدھ اپریل 21:47

سالانہ ترقیاتی پروگرام کے تحت قبائلی علاقوں میں اربوں روپے کے ترقیاتی ..
پشاور(اُردو پوائنٹ اخبارتازہ ترین۔ 25 اپریل2018ء) گورنرخیبرپختونخوا انجینئراقبال ظفرجھگڑا نے کہاہے کہ فاٹامیں اصلاحات کاعمل جاری ہے جبکہ سالانہ ترقیاتی پروگرام کے تحت قبائلی علاقوں میں اربوں روپے کے ترقیاتی منصوبو ں پر بھی کام جاری ہے۔ انہوں نے مزید کہاکہ فاٹا میں صحت اورتعلیم کے شعبوں کوترجیح دی جارہی ہے۔ ان خیالات کا اظہارانہوں نے بدھ کے روز گورنرہاؤس پشاورمیں وفاقی وزیرمملکت برائے سیفران غالب خان ایڈوکیٹ کی سربراہی میں فاٹاکے اراکین پارلیمنٹ الحاج شاہ جی گل آفریدی، قیصر جمال اورساجدحسین طوری پرمشتمل ایک وفدسے ملاقات کے دوران کیا۔

(جاری ہے)

سیکرٹری منصوبہ بندی وترقیات فاٹا،، پرنسپل سیکرٹری برائے گورنرمنیراعظم اوردیگرمتعلقہ حکام بھی اس موقع پر موجود تھے۔ ملاقات میں قبائلی عوام کی فلاح وبہبودکے حوالے سے مختلف اموپر تفصیلی تبادلہ خیال کیاگیا۔گورنرنے کہاکہ حکومت فاٹا کے عوام کو بنیادی ضروریات زندگی کی سہولیات کی فراہمی کیلئے ٹھوس اقدامات اٹھارہی ہے اور قبائلی ٹی ڈی پیز کی واپسی کے بعد فاٹا میں انفراسٹرکچرکی بحالی سمیت دیگر ترقیاتی منصوبے جاری ہیں ۔ انہوں نے کہاکہ فاٹا اصلاحات کے نتیجے میں دس سالہ ترقیاتی پروگرام کے تحت ایک ہزارارب روپے کے ترقیاتی منصوبے مکمل کئے جائیں گے۔

متعلقہ عنوان :